ءماجىلىستىڭ جاڭا قۇرامىنا ەلىمىزدى ىرگەلى جاڭعىرتاتىن اۋقىمدى ىستەردى زاڭنامالىق قامتاماسىز ەتۋ جۇكتەلەدى - ن. نازاربايەۆ
«قۇرمەتتى دەپۋتاتتار، بارشاڭىزدى 6- شاقىرىلعان پارلامەنتتىڭ بۇگىنگى ءبىرىنشى سەسسياسىنىڭ اشىلۋىمەن قۇتتىقتايمىن! قازاقستان تاۋەلسىزدىگىنىڭ 25 جىلدىق مەرەيتويى بەلەسىن ەلىمىز جاڭا قۇرامداعى پارلامەنتپەن قارسى الىپ وتىر. سايلاۋدىڭ قورىتىندىسى بويىنشا وزدەرىڭىزگە ءمالىم پارلامەنتكە ءۇش پارتيا جانە قازاقستان حالقى اسسامبلەياسىنان 9 دەپۋتات سايلاندى. بارشاڭىزدى تەڭ باسەكەلەستىك جاعدايىندا وتكەن سايلاۋداعى ورتاق جەڭىسپەن، دەپۋتاتتاردى جاۋاپتى قىزمەتتەرىمەن قۇتتىقتايمىن!»، - دەدى ەلباسى. ق ر پرەزيدەنتى تاۋەلسىزدىگىمىزدىڭ 25 جىلدىعى جاھاندىق دامۋ تۇرعىسىندا اسا كۇردەلى كەزەڭگە سايكەس كەلىپ وتىرعانىن باسا ايتتى.
«الەمدىك داعدارىس شيەلەنىسكەن جاۋاپتى شاقتا حالقىمىز سىزدەرگە زور سەنىم ءبىلدىردى. ەلىمىزدى ىرگەلى جاڭعىرتاتىن اۋقىمدى ىستەردى زاڭنامالىق قامتاماسىز ەتۋ سىزدەرگە جۇكتەلىپ وتىر جانە بۇل سايلاۋ ەرەكشە ءوتىپ، حالىقتىڭ بەلسەندىلىگىن كورسەتىپ، بۇكىل دۇنيەگە ءبىزدىڭ وسى جىلداردىڭ ىشىندە، تاۋەلسىزدىكتىڭ ىشىندە زاڭدى تۇردە، بالامالى تۇردە، اشىق تۇردە سايلاۋ وتكىزەتىندىگىمىزدى كورسەتتىك. بۇعان بۇكىل دۇنيەجۇزىنىڭ ساراپشىلارىنان دا، باقىلاۋشىلارىنان دا وڭ باعا الدىق. بۇل دا ءبىز ءۇشىن ۇلكەن جەتىستىك بولىپ سانالادى»، - دەدى ن. نازاربايەۆ.
اۆتور: مارلان جيەمباي
