عالىمدار: ۇزاق وتىرۋ ادام ءومىرىن قىسقارتادى
بۇنداي تۇجىرىمدى عالىمدار جاسادى. ولاردىڭ پىكىرىنشە، ادام ءومىرىن ۇزارتۋ ءۇشىن كۇنىنە ءۇش ساعاتتان ارتىق وتىرماۋ كەرەك جانە ۇنەمى قوزعالىستا بولۋ قاجەت.
برازيلياداعى سان- پاۋلۋ ۋنيۆەرسيتەتى عالىمدارىنىڭ ايتۋىنشا، 30 مينۋتقا از وتىرعاننىڭ ءوزى ادام دەنساۋلىعىنا جاقسى اسەر ەتەدى.
عالىمدار بۇنداي تۇجىرىمدى 15 جىل بويى 54 مەملەكەتتەگى ءولىم-ءجىتىم دەڭگەيىن زەرتتەگەن سوڭ ايتتى. ءولىم-ءجىتىمدى ازايتۋ ءۇشىن كۇنىنە 2-3 ساعاتقا از وتىرۋ كەرەك دەگەن كەڭەس بەرەدى ماماندار.
زەرتتەۋ بارىسىندا ماماندار ۇزاق وتىرۋ ءتۇرلى اۋرۋلاردىڭ قوزدىراتىنىن، ونىڭ ىشىندە سەمىزدىككە دە الىپ كەلەتىنىن ەسكەردى. سونداي-اق، عالىمداردىڭ ايتۋىنشا، وتىرىپ جۇمىس جاسايتىن ادامدار ينفاركت پەن ينسۋلتكە ءجيى شالدىعادى ەكەن.
زەرتتەۋ اۆتورلارى ەگەر ادام كوپ ۋاقىتىن قوزعالىستا وتكىزسە، سالاۋاتتى ءومىر سالتىن ۇستانسا، ءولىم- ءجىتىم دەڭگەيىن ايتارلىقتاي ازايتۋعا بولادى دەپ سانايدى، دەپ جازادى شەتەلدىك ب ا ق.
