بايقوڭىردا قازاق ەسترادا جۇلدىزدارى بىرنەشە كونسەرت وتكىزەدى

بايقوڭىر. قازاقپارات - ناۋرىز مەرەكەسىنە وراي بايقوڭىر قالاسىنا ءتورت قازاقستاندىق ءانشى گاسترولدىك ساپارمەن بارادى.

قازاقستاندىق انشىلەردىڭ ءان مارافونى بايقوڭىردا 20 -ناۋرىزدا قازاقستاندىق تەنور ەرجان نۇرعاليەۆتىڭ ءساتتى كونسەرتىمەن باستالدى.

بۇگىن، 24 -ناۋرىزدا، قالالىق مادەنيەت سارايىندا بايقوڭىرلىقتاردى قازاقستاندىق بەلگىلى ءانشى اقبوتا كەرىمبەكوۆا كونسەرتتىك باعدارلاماسىمەن كۇتەدى.

26 -ناۋرىزدا قالا تۇرعىندارىنا رەسەيلىك «داۋىس» جوباسىنىڭ جەڭىمپازى، قازاقستاندىق ءانشى ديانا شاراپوۆا جەكە كونسەرت بەرەدى.

اپتانى وسى ولكەدە تۋىپ-وسكەن جاس ءانشى ءتوراعالي تورەالى اياقتايدى. جەرلەستەرى 2016 جىلعى 27 -ناۋرىزداعى ءۇش كونسەرتكە بيلەتتەردى تولىقتاي ساتىپ الىپ، كۇتىپ وتىر.

قالالىق اكىمدىكتىڭ مادەنيەت ءبولىمىنىڭ باستىعى جاننا كيمنىڭ ايتۋىنشا، قازاقستاندىق انشىلەردىڭ بايقوڭىرعا قىزىعۋشىلىعى تۇسىنىكتى. بۇل جاقىننان تانىسىپ، ءوز شىعارماشىلىعىن تارتۋ ەتۋگە اسىعاتىن ەرەكشە تاريحي قالا.

بۇل 2016 -جىلعى 12 -ساۋىردە اتاپ وتىلەتىن عارىشقا العاشقى ۇشىرىلىمنىڭ 55 جىلدىعى قارساڭىندا قازاقستاننىڭ ونەر ۇجىمىمەن ۇزاقمەرزىمدى ىنتىماقتاستىق ءۇشىن ايتارلىقتاي سەبەپ، دەپ سانايدى كيم.