گيننەستىڭ رەكوردتار كىتابىنا ەنگەن اۋىر سالماقتى ادامداردىڭ بۇگىنگى قال- جاعدايى - فوتو
ولارعا ارتىق سالماقتان ارىلۋ ءۇشىن، ديەتا ۇستاۋدىڭ ءوزى وڭايعا سوقپايدى. ال، اۋىر سالماقتى ادامداردىڭ ۇزاق ءومىر سۇرە المايتىنى دا بەلگىلى.
بۇعان دەيىن 400 كەلى بولاتىن ەڭ اۋىر سالماقتى قولۋمبيا ازاماتى وسكار ۆاسكەس مورالەس اۋرۋحاناعا ءورت ءسوندىرۋ كولىگىمەن جەتكىزىلگەنىن حابارلاعان بولاتىنبىز. ونى كولىككە 20 ەر ادام كوتەرىپ مىنگىزگەن ەدى.
ال، 2013 -جىلى الەمدەگى ەڭ اۋىر سالماقتى حاليدا بين موحسەنا ءشااريدىڭ اراب امىرلىگىنىڭ پاتشاسى ابدۋللانىڭ بۇيرىعىمەن اۋرۋحاناعا جەتكىزىلگەن ەدى. 22 جاستاعى حاليد ول كەزدە دەنەسىن قوزعالتا الماعاندىقتان 2 جىل ۋاقىت بويى ۇيىنەن شىقپاعان.
دارىگەرلەر ونىڭ سالماعى 610 كەلىگە جەتىپ، رەكوردتى كورسەتكىشكە جەتكەنىن ايتقان. وعان دەيىن ونداي ۇلكەن سالماقتا ەشكىم بولماعان. ونىڭ ۇستىنە ونىڭ دەنە ماسساسى دا - 204 تى قۇراعان.
ول ەكى ەسە سالماققا، 320 كەلىگە ارىقتاي الدى. سوندىقتان ول قازىر الەمدەگى ەڭ اۋىر سالماقتاعى ادام ەمەس. الايدا، ول گيننەستىڭ رەكوردتار كىتابىنا ەنگەن.
تەحاس تۇرعىنى 35 جاستاعى مايرا روزالەس 470 كەلىدەن 91 كەلىگە دەيىن سالماق تاستادى.
مايرا 2008 -جىلى جيەن بالاسىن ءولتىردى دەگەن كۇدىكپەن تانىلعان ەدى. الايدا، كەيىننەن ونىڭ كىناسى جوق ەكەنى انىقتالدى. جيەنىن ءوز اناسى، ياعني مايرانىڭ اپكەسى ولتىرگەنى بەلگىلى بولدى. اپكەسى بالاسىن تاماق جەمەگەنى ءۇشىن شاشقا ارنالعان شەتكامەن ۇرعان ەكەن. اپكەسى 15 -جىلعا باس بوستاندىعىنان ايىرىلعان سوڭ، مايراعا ونىڭ بالالارىن قاراۋ كەرەك بولعان. ونىڭ وسىنشا سالماق تاستاۋىنا دا وسى جايت سەبەپشى بولعان.
ول بىرنەشە تەلەشوۋلارعا دا قاتىستى. بۇگىندە سەمىزدىكتى ەمدەيتىن ارنايى كلينيكادا كەڭەسشى قىزمەتىن اتقارادى.
الەمدەگى ەڭ اۋىر سالماقتاعى ءجاسوسپىرىم رەسەيدە تۇرادى. دجامبۋلات حاتوكوۆتىڭ سالماعى 1 جاسىندا 17 كەلى بولعان. ال، ءبىرىنشى سىنىپقا بارعاندا سالماعى 115 كەلىگە جەتكەن. قازىر سالماعى - 226 كەلى.
دجامبۋلاتتىڭ اناسىنىڭ ايتۋىنشا، ونىڭ ۇلكەن سالماقتىلىعى تۇقىمىندا بولعان. ونىڭ اتاسى كەزىندە سونداي الىپ بولىپ، ەل اراسىنا «باتىر» اتانىپ كەتكەن ەكەن. اتا-اناسى بالاسىنا ديەتا ۇستاندىرماق بولعانىمەن، بالاسى وعان كونبەپتى. ول ءوزىنىڭ ارتىق سالماعىنا قاتىستى ەشقانداي شاعىم ايتپايدى ەكەن. دجامبۋلات 16 جاسىندا دەرەكتى فيلمدەر مەن شوۋلارعا قاتىستى. جاپونيا مەن ۇلى بريتانيا ەلدەرىنە شاقىرىلدى. ول بولاشاقتا سۋمو بالۋانى بولىپ، وليمپيادادا جەڭىسكە جەتۋدى كوزدەيدى.
ۇلى بريتانيا ازاماتى پول مەيسون ەڭ اۋىر سالماقتىلار ىشىندەگى ەڭ ەگدە جاستاعىسى. ول 56 جاستا. ءوزىنىڭ ايتۋىنشا، ول 20 جاسىنان باستاپ تولا باستاعان. وعان بالا كۇنىندەگى العان جاراقاتتارى سەبەپ. 2010 -جىلى پول 444 كەلى بولدى. سوندىقتان ول اسقازانىن كىشىرەيتۋ ءۇشىن وتا جاساۋعا بەل بايلادى.
سۋرەت: پول مەيسوننىڭ Facebook-تەگى جەكە پاراقشاسىنان
ونىڭ وتا جاساۋىنا 40 جاستاعى رەبەككا ماۋنتين سەبەپشى بولعان. پول 50 كەلى عانا بولاتىن رەبەككاعا تۇرمىسقا شىعۋ جونىندە ۇسىنىس جاساپ، كەلىسىمىن العان بولاتىن.
وتا جاسالعان سوڭ 5 -جىل وتكەننەن كەيىن پول 120 كەلىگە دەيىن ارىقتادى. ودان كەيىن 21 كەلى ارتىق تەرىنى الىپ تاستاۋ وتاسىن جاساتۋ كەرەك بولدى.
الايدا، 2015 -جىلى پول مەن رەبەككا اجىراساتىندارىن جاريالادى. ءبىراق، ءقازىر دوستىق قاتىناستى ساقتاپ قالعانعا ۇقسايدى.
الەمدەگى ەڭ كوپ سالماق تاستاعان امەريكالىق دجون براۋەر ميننوك 630 كەلى سالماقتا بولعان.
دجون 1978 -جىلى 37 جاسىندا جۇرەك- تىنىس جولدارىنىڭ اۋىرلىعىنان اۋرۋحاناعا تۇسكەن. ونى اۋرۋحاناعا جەتكىزۋ ءۇشىن وننان اسا ءورت ءسوندىرۋ قۇرالى كەرەك بولعان. ول 419 كەلى تاستاپ، سالماعى 245 كەلى بولدى. بۇل ەرلەر اراسىنداعى ەڭ كوپ سالماق تاستاعان رەكوردتى كورسەتكىش. ول 1981 -جىلى 432 سالماقپەن قايتا اۋرحاناعا ءتۇستى. دارىگەرلەر ونىڭ اۋرۋىن جازىلماس دەرتكە جاتقىزدى. اقىرىندا دجون 1983 -جىلى 41 جاسىندا 362 سالماقتا قايتىس بولدى. ول ادامزات تاريحىنداعى ەڭ اۋىر سالماقتاعى ادام رەتىنە تىزىمدە ءالى بار.
Stan.kz
