بەكبولات تىلەۋحان ءماجىلىس دەپۋتاتى بولىپ سايلاندى

استانا. قازاقپارات - كەزىندە ساياسات مىنبەرىنەن حالىقتىڭ تالاي كوكەيكەستى ماسەلەلەرىن قوزعاپ، ەلدىڭ ەرتەڭىن ويلاعان ءبىر تۋار ازامات، جىرشى بەكبولات تىلەۋحان قايتا ءماجىلىس دەپۋتاتى اتاندى.

«اللانىڭ قالاۋى، ەلدىڭ تىلەگىمەن بەكبولات اعامىز پارلامەنت مىنبەرىنەن ورىن الدى. پارتيا ءتوراعاسى نۇراعامىزدىڭ باستاعان ىستەرىنىڭ باياندى بولۋىنا، حالقىمىز ءۇشىن تاۋەلسىزدىگىمىزدىڭ ءار كۇنى بەرەكەلى بولۋىنا تالماي ەڭبەك ەتۋ ءۇشىن، اللا تاعالا اعامىزعا كۇش- قۋات، ابىروي، مىعىم دەنساۋلىق بەرگەي! حالىقتىڭ قالاۋى، ەلدىڭ تىلەگى قۇتتى، حايىرلى بولعاي»، - دەپ جازدى تانىمال اقىن، «اسىل ارنا» تەلەارناسىنىڭ ديرەكتورى مۇحامەدجان تازابەكوۆ.

ال جاعىمدى حاباردى ەستىگەن كوپشىلىك قازاقتىڭ قامىن ويلايتىن ازاماتتىڭ ساياساتقا قايتا كەلگەنىنە قۋانىپ، الەۋمەتتىك جەلىدە «قۇتتى بولسىن» ايتىپ، اق تىلەگىن جاۋدىرىپ جاتىر.

دەرەككوز: Nur.kz