ق ر و س ك ءماجىلىس دەپۋتاتتارىنا كۋالىكتەرىن تابىس ەتتى - فوتو
«كوميسسيا وتىرىسى كۇنتارتىبىنە ءبىر ماسەلە ەنگىزىلەدى. ول التىنشى شاقىرىلاتىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارىن تىركەۋ تۋرالى» ، - دەدى وتىرىستى اشقان كوميسيا ءتوراعاسى ق. تۇرعانقۇلوۆ.
سونىمەن قاتار ول «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 12, 45, 46, 97-1 جانە 98-باپتارىنا سايكەس ق ر ورتالىق سايلاۋ كوميسسياسىنىڭ قاۋلىسىن جاريا ەتتى.
«ءبىرىنشى، التىنشى شاقىرىلاتىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى تىركەلسىن. «نۇر وتان» پارتياسىنىڭ پارتيالىق ءتىزىمى بويىنشا - 84 دەپۋتات، قازاقستاننىڭ «اق جول» دەموكراتيالىق پارتياسىنىڭ پارتيالىق ءتىزىمى بويىنشا - 7 دەپۋتات، قازاقستان كوممۋنيستىك حالىق پارتياسىنىڭ پارتيالىق ءتىزىمى بويىنشا - 7 دەپۋتات، قازاقستان حالقى اسسامبلەياسى سايلاعان 9 دەپۋتات. ەكىنشىدەن، تىركەلگەن بارلىق دەپۋتاتتارعا ورتالىق سايلاۋ كوميسسياسىنىڭ وتىرىسىندا ءتيىستى كۋالىكتەر مەن ومىراۋعا تاعاتىن بەلگىلەر تاپسىرىلسىن. ءۇشىنشى وسى اقپارات ب ا ق- تا جاريالانسىن» ، - دەدى ول.
