دۋبايدا قىرعىزستاننىڭ بۇرىنعى پرەزيدەنتى اسقار اقايەۆتىڭ كۇيەۋ بالاسى ۇستالدى

بىشكەك. قازاقپارات - ينتەرپولدىڭ قىرعىزستانداعى ۇلتتىق ورتالىق بيۋروسىنىڭ باسپا ءسوز قىزمەتىنەن كەلىپ تۇسكەن مالىمەتتەر بويىنشا، دۋبايدا (ب ا ءا) قىرعىزستاننىڭ بۇرىنعى پرەزيدەنتى اسقار اقايەۆتىڭ كۇيەۋ بالاسى - حالىقارالىق ىزدەۋدە بولعان ءادىل تويعونبايەۆ ۇستالدى.

قىرعىز قۇقىق قورعاۋ ورگاندارى ءبىرقاتار قىلمىستاردى جاسادى دەپ ايىپتاعان ءا. تويعونبايەۆ 2005 - جىلدان بەرى ىزدەۋدە جۇرگەن. اتاپ ايتقاندا، ول قىرعىزستان رەسپۋبليكاسىنىڭ 166-بابى («ادامدار توبىنىڭ الدىن الا كەلىسىپ جاساعان الاياقتىعى)، 169-بابى («ۇرلىق» ) جانە 213-بابى («شارۋاشىلىق ەتۋشى سۋبەكتىلەردىڭ قىزمەتتىك تۇلعالارىنىڭ سالىقتار مەن باسقا مىندەتتى ساقتاندىرۋ جارنالارىن تولەۋدەن جالتارۋ») بويىنشا ايىپتالىپ وتىر.

قىرعىز تاراپىنىڭ سۇراۋىمەن ءا. تويعونبايەۆ سونىڭ ىشىندە ينتەرپولدىڭ «قىزىل سيركۋليارىنا» ەنگىزىلىپ، شەكارانى كەسىپ وتكەندە ۇستالۋى ءتيىس.

 قولدا بار مالىمەتتەر بويىنشا، 11 جىل بۇرىن «قىزعالداق ريەۆوليۋتسياسىنان» كەيىن ىزدەۋ جاريالانعان ا. اقايەۆتىڭ كۇيەۋ بالاسىن قازاقستان مەن رەسەي اۋەجايلارىندا بىرنەشە رەت ۇستالعان.