ءاز- ناۋرىز قازاق جەرىندە! - ەكسكليۋزيۆتى فوتو رەپورتاج
تۇپتەپ كەلگەندە، ءدىن مەن تىلگە، ۇلت پەن ۇلىسقا بولمەيتىن، بارشا قاۋىمدى تاتۋلىققا تارتىپ، ۇلىستاردى ۇيىسۋعا شاقىراتىن ناۋرىز مەيرامىنىڭ جانە ءبىر ەرەكشەلىگى - بۇل كۇنى جاقسى تىلەك تىلەۋ، اراز اعايىنمەن جاراسۋ، تابىسۋ سەكىلدى ادامگەرشىلىك قاسيەتتەر كورىنىس تاۋىپ، وسىنىڭ ءوزى ادام بالاسىن جوعارى سانالىلىققا، ادەپتىلىككە، ونەگەلىككە، باۋىرمالدىققا، كورگەندىلىككە، ىزگىلىك پەن بىلىمدىلىككە باۋرايدى.
مەرەكەنىڭ باستى تاعامى - ناۋرىز كوجە. بۇل - ۇلىستىڭ ۇلى كۇنى جاسالاتىن قاسيەتتى اس. وعان تارى، ارپا، بيداي، بۇرشاق، كۇرىش سياقتى جەتى ءتۇرلى ءدان مەن اق قوسىلادى. تۇركى حالىقتارىنىڭ ۇعىمىندا جەتى سانى قاسيەتتى سانالعاندىقتان، ناۋرىز كوجەگە جەتى ءتۇرلى ءدام قوسىلادى. وعان قوسا، ول - توقشىلىق پەن ىرىس قۇتتىڭ جورالعىسى.
سوڭعى رەت 1926 -جىلى تويلانعان ناۋرىز مەيرامى ەلىمىزدە 1990 - جىلداردىڭ باسىندا قايتادان رەسمي تۇردە اتالا باستادى. 2001 - جىلى ناۋرىز مەيرامى مەملەكەتتىك مەرەكە رەتىندە جاريالاندى.
ناۋرىز مەيرامى ەلىمىزدە مەملەكەتتىك مەرەكە رەتىندە 21 - 23 - ناۋرىز ارالىعىندا ءۇش كۇن تويلانادى.
