قازاقستان مەن رەسەي عالىمدارى ەرتىس جاعاسىنان تابىلعان «ءسىبىر ءمۇيىزتۇمسىعىنىڭ» قۇپياسىن تاپتى
زەرتتەۋ قورىتىندىلارى American Journal of Applied Sciences عىلىمي جۋرنالىندا جاريالانعان. انىقتالعانداي، سىبىرلىك ءمۇيىزتۇمسىق ءبىزدىڭ زامانىمىزعا دەيىن ءومىر سۇرە العان. عالىمدار جۇرتتى تاڭعالدىرعان وسى جانۋارلار بەرتىنگە دەيىن تىرشىلىك ەتكەنىنە دالەلدەر تاپتى، دەپ جازادى RG.
ەرتە زامانعى سۇتقورەكتى Elasmotherium sibiricum-نىڭ تاسقا اينالعان سۇيەكتەرى پاۆلودار وبلىسىنىڭ قوجامجار كەنتىنىڭ جانىندا ەرتىس جاعالاۋىندا تابىلدى. ت م ۋ- ءدىڭ باسپا ءسوز قىزمەتىنەن حابارلاعانداي، سۇيەكتەرىنە قاراعاندا، تابىلعان جانۋار ءتىرى كەزىندە وتە ءىرى جانە كارى اتالىق بولعان. ونى باسقا جانۋارلاردان ەرەكشەلەپ تۇرعان - جالعىز ۇزىن ءارى جۋان ءمۇيىزى. عالىمدار جاقتارى مەن تىستەرىنىڭ قۇرىلىسىن زەرتتەپ، ەلاستومەريدىڭ وسىمدىكتەردىڭ تامىرلارىمەن قورەكتەنگەنىن انىقتادى.
