بريۋسسەلدە تەراكتى جاساعان جانكەشتىلەردىڭ سۋرەتى جاريالاندى

بريۋسسەل. قازاقپارات - بريۋسسەل اۋەجايىندا لاڭكەستىك جاسادى دەلىنگەن كۇدىكتىلەردىڭ سۋرەتى جاريالاندى. ولار اۋەجايدىڭ بەينەباقىلاۋ كامەراسىنا ءتۇسىپ قالعان.

 بەلگيانىڭ RTBF تەلە- راديو كومپانياسىنىڭ حابارلاۋىنشا، سۋرەتتەگى قارا كيىنگەن ەكەۋ - جانكەشتىلەر. ولار اۋەجايدىڭ ۇشۋ زالىندا وزدەرىن جارىپ جىبەرگەن.

اق كيىمدەگىسىن قازىر پوليتسيا ىزدەپ جاتىر، ول امان قالىپ ءىزىن جاسىرىپ ۇلگەرگەن.

فەدەرالدىق پروكۋرور ب ا ق- تا جاريالانعان سۋرەتتىڭ تەلنۇسقا ەكەندىگىن راستادى، ونداعىلار تەراكتىنى جاساعاندار دەپ وتىر.

ەسكە سالا كەتسەك، سەيسەنبى كۇنى تاڭەرتەڭ بريۋسسەلدىڭ «زاۆەنتەم» اۋەجايىندا ەكى جارىلىس بولدى. بۇدان ءبىر ساعاتتان كەيىن قالا ورتالىعىنداعى «ماەلبەك» مەترو ستانساسىنداعى ۆاگوندا تاعى ءبىر جارىلىس جاسالدى.

 سوڭعى مالىمەتتەرگە سەنسەك، لاڭكەستىك ارەكەتتەر سالدارىنان 34 ادام قازا تاۋىپ، 200-گە جۋىق ادام جاراقات العان بولاتىن. ەل بيلىگى الداعى ءۇش تاۋلىكتى ازا تۇتۋ كۇنى دەپ جاريالادى.