وباما: ادام قۇقىقتارىنىڭ پروبلەماسى كۋبامەن دوستىققا كەدەرگى كەلتىرۋدە

استانا. قازاقپارات - ا ق ش پرەزيدەنتى باراك وباما كۋبا مەن امەريكا قۇراما شتاتتارىنىڭ بايلانىسىن نىعايتۋعا ادام قۇقىقتارى مەن دەموكراتيا ماسەلەلەرى بويىنشا كەلىسپەۋشىلىكتەر كەدەرگى كەلتىرىپ وتىرعانىن ءمالىم ەتتى.

وبامانىڭ سوزىنە قاراعاندا، كۋباعا قارسى ەمبارگو اياقتالعالى جاتىر، الايدا ونى تولىق الىپ تاستاۋ كەلىسپەۋشىلىكتەردىڭ جويىلۋىنا بايلانىستى بولماق.

«كۋبانىڭ بولاشاعىن كۋبالىقتار تاڭدايدى. ا ق ش دەموكراتيانى، سونىڭ ىشىندە كۋبالىقتاردىڭ بولاشاعىن تاڭداۋ قۇقىعىن قولدايتىنىن ايتتىم»، - دەدى وباما.

ا ق ش پرەزيدەنتى دەنساۋلىق ساقتاۋ جانە ءبىلىم بەرۋ سالالارىندا كۋبالىق بيلىكتىڭ جەتىستىكتەرىن كورىپ وتىرعانىن اتاپ ءوتتى.

كۋبالىق كوشباسشى راۋل كاسترو، ءوز كەزەگىندە، بلوكادا الىنسا، ۆاشينگتون مەن گاۆانا بۇدان دا اسقان جەتىستىكتەرگە جەتەتىنىن ءبىلدىردى.

ونىڭ سوزىنە قاراعاندا، قارىم-قاتىناستى قالىپقا كەلتىرۋ ماقساتىندا وباما اكىمشىلىگى قابىلداعان سوڭعى شارالار «ماڭىزدى، الايدا جەتكىلىكسىز» ەكەنىن ءبىلدىردى.

كاسترو وباماعا ەگەر ول ەسىمدەرى جازىلعان ءتىزىمدى ۇسىنسا، تاڭەرتەڭگە دەيىن ساياسي تۇتقىنداردى بوساتاتىنىنا ءسوز بەردى.

جۋىردا وباما ەكى كۇندىك رەسمي ساپارىمەن كۋباعا باردى. بۇل 88 جىل ىشىندەگى ا ق ش باسشىسىنىڭ كاريب مەملەكەتىنە العاش رەت كەلۋى.