ق ر پارلامەنتى ءماجىلىسى سايلاۋى اشىق، ەركىن ءارى دەموركاتيالىق ۇستانىمدارعا ساي ءوتتى - شاڭحاي ىنتىماقتاستىق ۇيىمى

استانا. قازاقپارات - شاڭحاي ىنتىماقتاستىق ۇيىمى ميسسياسىنىڭ بايقاۋشىلارى ق ر پارلامەنتى ءماجىلىسى دەپۋتاتتارىنىڭ سايلاۋى بارىسىندا زاڭ بۇزۋشىلىقتاردى انىقتاعان جوق.

بۇل تۋرالى بۇگىن ق ر و س ك- دە وتكەن بريفينگتە ش ى ۇ باس حاتشىسىنىڭ ورىنباسارى، ميسسيا جەتەكشىسى ازيز نوسيروۆ ءمالىم ەتتى.

«ميسسيا ق ر پارلامەنتى ءماجىلىسىنىڭ سايلاۋى ق ر كونستيتۋتسياسىنا، سايلاۋ تۋرالى كونستيتۋتسيالىق زاڭىنا جانە مەملەكەت قابىلداعان حالىقارالىق مىندەتتەمەلەرگە ساي اشىق، ەركىن ءارى دەموكراتيالىق جولدا وتكىزىلگەنىن مالىمدەيدى. ميسسيا ۇلتتىق سايلاۋ زاڭناماسى نورمالارىنىڭ بۇزىلماعاندىعىن اتاپ وتەدى»، - دەدى ول.

سونىمەن بىرگە ول داۋىس بەرۋ بارىسىندا قازاقستان ازاماتتارى بارىنشا بەلسەندىلىگىك تانىتقاندىعىن اتاپ ءوتتى.

«ميسسيا وكىلدەرى بولعان بارلىق سايلاۋ ۋچاسكەلەرىندە قازاقستاننىڭ ساياسي پارتيالارىنىڭ، باسقا دا قوعامدىق بىرلەستىكتەردىڭ وكىلدەرىمەن قاتار حالىقارالىق ۇيىمدار مەن باق وكىلدەرى دە بولدى. سايلاۋ پروتسەسى بارىسىندا اتالعان بايقاۋشىلار تاراپىنان ميسسيا وكىلدەرىنە ەش شاعىم تۇسكەن جوق»، - دەدى ا. نوسيروۆ.

ونىڭ سوزىنە قاراعاندا، ەلىمىزدە وتكەن سايلاۋ بارىسىندا شەتەلدىك بايقاۋشىلار ءۇشىن بارلىق جاعداي جاسالعان.

«ميسسيا وكىلدەرى سايلاۋ ۋچاسكەلەرىنىڭ جابىلۋ، سايلاۋشىلاردىڭ داۋىستارىن ساناۋ جانە داۋىس بەرۋدىڭ قورىتىندىسى تۋرالى حاتتامانى جاساۋ شارالارىنا قاتىستى. داۋىستاردى ساناۋ بارىسىندا ميسسيا وكىلدەرى ەشقانداي بۇزۋشىلىقتى انىقتاعان جوق»، - دەدى ول.

اۆتور: مارلان جيەمباي