ۇلتتىق كاسىپكەرلەر پالاتاسى «نۇر وتاندى» جەڭىسىمەن قۇتتىقتادى

استانا. قازاقپارات - «اتامەكەن» ۇلتتىق كاسىپكەرلىك پالاتاسى «نۇر وتان» پارتياسىن جەڭىسىمەن قۇتتىقتادى.

و ك ق- دا وتكەن بريفينگتە ۇ ك پ اتىنان باسقارما ءتوراعاسى ابىلاي مىرزاحمەتوۆ ءسوز سويلەدى.

«ءبىزدىڭ قوعامداستىق اتىنان «نۇر وتان» پارتياسىنىڭ كوشباسشىسى مەملەكەت باسشىسى مەن بارلىق نۇروتاندىقتاردى سايلاۋداعى جەڭىسىمەن قۇتتىقتايمىز، - دەدى ول. - «نۇر وتان» قاشاننان بەرى ناقتى ءىس پارتياسى بولىپ كەلەدى. بيزنەس ۇنەمى «نۇر وتان» باستاماشىلىق ەتكەن باعدارلامالارعا سۇيەنگەن.

ونىڭ پىكىرىنشە، دەپۋتاتتىق كورپۋستى جاڭارتۋ - ۋاقىت تالابى. قازىرگى جاعدايلاردا «100 ناقتى قادام» ۇلت جوسپارىنداعى قويىلعان ماقساتتاردى ىسكە اسىرۋ ءۇشىن پارلامەنتتىڭ مانداتىن جاڭارتۋ قاجەت بولدى.

ول سونداي-اق وتكەن ەلەكتورالدىق ناۋقان حالىقتىڭ كوپتىگىمەن ەرەكشە ەستە قالعانىنا توقتالدى. بۇل وسى كەزەڭدەگى جۇمىلۋ قاجەتتىگىن تۇسىنگەن ەلدىڭ ازاماتتىق بەلسەندىلىگىن كورسەتەدى.

ق ر و س ك الدىن الا دەرەكتەرىنە سايكەس سايلاۋ قورىتىندىسى بويىنشا «نۇر وتان» %82,15، ق ك ح پ - %7,14، «اق جول» - %7,18، «بىرلىك» - %0,29، جسدپ - %1,18، «اۋىل» پارتياسى - %2 داۋىس جينادى.