ە. قارين: ءماجىلىس قۇرامىندا جاڭا تۇلعالار مەن جاڭا ەسىمدەر پايدا بولادى

استانا. قازاقپارات - سايلاۋ ناتيجەسى بويىنشا ماجىلىسكە تومەنگى پالاتاداعى بۇرىنعى پارتيالار ەنگەنىنە قاراماستان، پارلامەنتتە جاڭا تۇلعالار پايدا بولارى انىق.

بۇل تۋرالى ورتالىق كوممۋنيكاتسيالار قىزمەتىندە وتكەن دوڭگەلەك ۇستەل بارىسىندا قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين ءمالىم ەتتى.

«كەشەگى سايلاۋ ەلدەگى جاڭا ساياسي دامۋدىڭ، جاڭا وزگەرىستەردىڭ باستاۋى دەۋگە بولادى. ءبىز سايلاۋالدى ناۋقاننان بەرى سايلاۋ پروتسەسىنىڭ بارلىق پروتسەسىنە مونيتورينگ جۇرگىزىپ وتىردىق. الدىن الا مالىمەت بويىنشا، ارينە، پارلامەنتكە بۇرىنعى شاقىرىلىمداعى پارتيالار عانا وتكەن، الايدا، ساراپتاماعا سەنەر بولساق، ماجىلىستە ءبىراز جاڭا تۇلعالار، ءبىراز جاڭا ەسىمدەر پايدا بولادى»، - دەدى ە. كارين.

ە. قاريننىڭ ايتۋىنشا، جەڭىسكە جەتكەن «نۇر وتان» پارتياسى سايلاۋعا بەرگەن ءتىزىمىنىڭ 70 پايىزىن جاڭارتىپ بەرگەن.

«نۇر وتان» پارتياسى سايلاۋعا كانديداتتارىنىڭ 70 پايىزىن جاڭارتىپ شىقتى، «اق جول» پارتياسى مەن كوممۋنيستىك پارتيا دەپۋتاتتىققا ۇمىتكەرلەرىنىڭ جارتىسىنان كەمىن جاڭارتقان. ياعني، بۇل دەگەنىمىز - پارلامەنتتىڭ جۇمىسى مەن بەس ينستيتۋتتىق رەفورمانىڭ ورىندالۋىنان جاڭالىق كۇتۋگە بولادى»، - دەدى ە. قارين.

اۆتور: كەنجەكەي توقتامۇرات قىزى