قازاقستان اشىق سايلاۋ وتكىزەتىنىن جانە كوپپارتيالىق بولاتىنىن دالەلدەدى - ن. نازاربايەۆ

استانا. قازاقپارات - كەشە وتكەن پارلامەنت ءماجىلىسىنىڭ سايلاۋى ارقىلى قازاقستان ءوزىنىڭ شىنايى دەموكراتيالى ەل ەكەنىن، وسىنداي اشىق، زاڭدى تۇردە سايلاۋ وتكىزەتىنىن جانە كوپپارتيالىق بولاتىنىن بۇكىل الەمگە دالەلدەدى، دەپ اتاپ ءوتتى مەملەكەت باسشىسى «نۇر وتان» پارتياسىنىڭ پارلامەنتتىك سايلاۋداعى جەڭىسىنە ارنالعان «بىرلىك! تۇراقتىلىق! جاسامپازدىق!» جەڭىمپازدار فورۋمىندا ءسوز الا وتىرىپ.

«قۇرمەتتى وتانداستار، فورۋمعا جينالعان بارشا قاۋىم، ءبارىڭىزدى كەشەگى وتكەن سايلاۋداعى جەڭىسىمىزبەن شىن جۇرەگىمنەن قۇتتىقتايمىن! «نۇر وتان» پارتياسىنىڭ جەڭىسى - حالقىمىزدىڭ جەڭىسى. سايلاۋدا بۇرىن- سوڭدى بولماعان بەلسەندىلىك بايقالدى، 77 پايىزدان استام سايلاۋشى كەلىپ، 82 پايىزى «نۇر وتانعا» داۋىس بەردى. بۇل دەگەن - ۇلكەن قولداۋ، سەنىم، وسى سەنىمدى اقتاۋ ءۇشىن جۇمىس ىستەۋىمىز كەرەك»، - دەدى ن. نازاربايەۆ.

مەملەكەت باسشىسى اتاپ وتكەندەي، بۇل سايلاۋدان كەيىن قازاقستان ءوزىنىڭ شىنايى دەموكراتيالى ەل ەكەنىن جانە اشىق سايلاۋ وتكىزەتىنىن دالەلدەدى.

«تاۋەلسىزدىگىمىزدىڭ 25 جىلدىق مەرەيتويى قارساڭىندا 60 مەملەكەت پەن قازاقستاننىڭ ءوز بايقاۋشىلارى، سونداي- اق، 200 دەن استام باق وكىلدەرى، دۇنيەجۇزىنىڭ اقپارات قۇرالدارىنىڭ ورتالىقتارى ءبىزدىڭ سايلاۋىمىزدى دەموكراتيانىڭ شىڭىندا دەپ ايتتى. بۇل - ءبىزدىڭ جەتىستىگىمىز. قازاقستان بۇدان بىلاي ءوزىنىڭ شىنايى دەموكراتيالى ەل ەكەنىن، وسىنداي اشىق، زاڭدى تۇردە سايلاۋ وتكىزەتىنىن جانە كوپپارتيالىق بولاتىنىن بۇكىل الەمگە دالەلدەدى. مىنە، ءبىزدىڭ جەتىستىگىمىزدىڭ ەڭ ۇلكەنى وسى»، - دەپ اتاپ ءوتتى مەملەكەت باسشىسى.

ەستەرىڭىزگە سالا كەتەيىك، بۇگىن ق ر ورتالىق سايلاۋ كوميسسياسى ءماجىلىس سايلاۋىنىڭ الدىن الا ناتيجەلەرىن جاريا ەتتى. سايلاۋ قورىتىندىسى بويىنشا، «نۇر وتان» پارتياسىنا 82،15، قازاقستان كوممۋنيستىك حالىق پارتياسىنا 7،14، قازاقستاننىڭ «اق جول» دەموكراتيالىق پارتياسىنا 7،18، «بىرلىك» ساياسي پارتياسىنا 0،29، جالپىۇلتتىق سوتسيال- دەموكراتيالىق پارتياعا 1،18، «اۋىل» حالىقتىق- دەموكراتيالىق پارتيوتتىق پارتياسىنا 2 پايىز سايلاۋشىلاردىڭ داۋىسى بەرىلگەن.

اۆتور: كەنجەكەي توقتامۇرات قىزى