استانادا ەلباسىنىڭ قاتىسۋىمەن جەڭىمپازدار فورۋمى باستالدى

استانا. قازاقپارات - مەملەكەت باسشىسى نۇرسۇلتان نازاربايەۆتىڭ قاتىسۋىمەن كەشە، 20 -ناۋرىز كۇنى وتكەن ق ر پارلامەنتى ءماجىلىسىنىڭ سايلاۋىندا حالىقتىڭ باسىم داۋىسىن جيناعان «نۇر وتان» پارتياسىنىڭ جەڭىمپازدار فورۋمى وتۋدە.

فورۋمعا «نۇر وتان» پارتياسى ءتوراعاسىنىڭ ءبىرىنشى ورىنباسارى اسقار مىرزاحمەتوۆ، پارتياعا مۇشە تانىمال ازاماتتار، سپورتشىلار مەن انشىلەر قاتىسۋدا. جەڭىمپازدار فورۋمى استاناداعى «سارىارقا» ۆەلوترەگىندە ءوتىپ جاتىر.

ەستەرىڭىزگە سالا كەتەيىك، بۇگىن ق ر ورتالىق سايلاۋ كوميسسياسى ءماجىلىس سايلاۋىنىڭ ناقتى ناتيجەلەرىن جاريا ەتتى. سايلاۋ قورىتىندىسى بويىنشا، «نۇر وتان» پارتياسىنا 82,15، قازاقستان كوممۋنيستىك حالىق پارتياسىنا 7,14، قازاقستاننىڭ «اق جول» دەموكراتيالىق پارتياسىنا 7,18، «بىرلىك» ساياسي پارتياسىنا 0,29، جالپىۇلتتىق سوتسيال- دەموكراتيالىق پارتياعا 1,18، «اۋىل» حالىقتىق- دەموكراتيالىق پاتريوتتىق پارتياسىنا 2 پايىز سايلاۋشىلاردىڭ داۋىسى بەرىلگەن.

اۆتور: كەنجەكەي توقتامۇرات قىزى