جاپونيادا زاماناۋي كىتاپحانا ۇلگىسىنە ۇقسايتىن ايرىقشا قابىرستان اشىلدى - فوتو
جاپوندار مارقۇمداردىڭ كۇلى سالىنعان قۇمىرالاردى جىكتەلگەن سورەلەرگە قويىپ، ونى جەتىلدىرىلگەن جۇيە نەگىزىندە كەلۋشىلەرگە جەدەل ۇسىناتىن سوڭعى تەحنرولوگيالىق ۇلگىدەگى شاعىن ورىندار اشىپ تىعىرىقتان شىعۋدى جولىن تاپتى. وسىنداي عاجايىپ قابىرستان جايىندا Motherboard باسىلىمىنىڭ Cool Japan بلوگى جازادى.
Rurikoin قابىرستانىنىڭ عيماراتى كوپقاباتتى كولىك تۇراعىنا ۇقسايدى. وندا مارقۇمنىڭ كۇلى سالىنعان قۇمىرالار سورەلەرگە قويىلعان. ونى سالۋعا Toyota كورپوراتسيانىڭ ءوزى اتسالىسىپتى. ءبىراق تەحنولوگياسى قۇپيا ءارى قابىرستاننىڭ ءىشىن سۋرەتكە تۇسىرۋگە تىيىم سالىنعان. Rurikoin ءىشى كادىمگى كىتاپحانا جۇمىسىن قايتالايدى. وعان كەلۋشىنىڭ ءارقايسىسىنىڭ جەكە رۇقسات كارتاسى بولادى، سول ارقىلى ول ءوزىنىڭ مارقۇم تۋىستارىنىڭ كۇلى سالىنعان قۇمىرانى كورە الادى.
Ruriden كولۋمباريى (ورتەلگەن ادامنىڭ كۇلى سالىنعان ۋرنالار قويماسى) توكيودا ورنالاسقان. بۇل جەردە اتالعان تەحنولوگيانى قولدانادى. شاعىن عيماراتتىڭ ىشىندە 2046 اينەكتەن جاسالعان بۋددانىڭ مۇسىنشەسى بار. ولار ءبىرىڭعاي كوك ءتۇستى جارىقپەن ارلەنگەن. ونىڭ ءارقايسىسى بەلگىلى ءبىر ادامعا بەكىتىلگەن. مارقۇمنىڭ تۋىسى كولۋمبارييگە كەلىپ، كارتوچكاسى كومەگىمەن رۇقسات العان سوڭ قاجەتتى قۇمىراعا باسقالارىنان وزگەشە ءتۇستى جارىق بەرىلەدى.
Ruriden قابىرستانىندا ءبىر ورىننىڭ جىلدىق اقىسى شامامەن 80 دوللار، بۇل توكيو شەتىندەگى زيراتتارداعى ورىننان ەكى ەسەگە ارزان. Ruriden-دە ادامنىڭ كۇلى 33 جىل ساقتالادى، ودان كەيىن ونى جەرگە كومەدى.
ەسكە سالا كەتسەك، جاپون قوعامى قارتايىپ كەتكەن، تۇرعىنداردىڭ تورتتەن ءبىرى 65 جاستان ۇلكەن ادامدار. ولگەندەردىڭ قابىرىن كۇتىپ ۇستاۋ قىمباتقا تۇسكەننىڭ وزىندە دە ونىڭ ىزدەۋشىسى جوق. Ruriden مەن Rurikoin قابىرستانى وسى ماسەلەنىڭ تولىق شەشىمى ەمەس.
قازىر Rurikoin جوباسىنا گونكونگ، سينگاپۋر جانە قىتاي قىزىعۋشىلىق تانىتىپ وتىر. الايدا Rurikoin جوباسىن ازىرلەۋشىلەر وزدەرىنىڭ ايرىقشا زاماناۋي قابىرستانىن باسقالاردىڭ كوشىرۋىنە قارسى، ءارى ءوز تەحنولوگيسىن قۇپيا ۇستاۋدا. 
