قازاقستانداعى سايلاۋدىڭ ءادىل وتكەندىگى ەش كۇدىك تۋدىرمايدى - ليتۆالىق بايقاۋشى
بۇل تۋرالى بۇگىن ليتۆا رەسپۋبليكاسى ورتالىق سايلاۋ كوميسسياسىنىڭ ءتوراعاسى زەنوناس ۆايگاۋسكاس ايتتى.
«سايلاۋ اشىق ءارى سايلاۋشىلار ءۇشىن بارىنشا تۇسىنىكتى بولدى جانە ونىڭ ءادىل وتكەندىگى ەش كۇدىك تۋدىرمايدى»، - دەدى ول.
ونىڭ اتاپ وتۋىنشە، كەيبىر ۋچاسكەلەردى داۋىس بەرۋشىنىڭ اتى-جوندەرىنىڭ تىزىمدە بولماي قالۋىنا بايلانىستى ازداعان كەمشىلىكتەر ورىن العانىمەن ولار دەر ۋاقىتىندا ءوز شەشىمىن تاۋىپ وتىرعان.
«مەن سايلاۋ كوميسسياسىنىڭ بۇل ماسەلەنى قالاي شەشكەنىن ءوز كوزىممەن كوردىم. قالاي دەسەك تە، اتى-ءجونى تىزىمدە بولماي قالعان ازاماتتاردىڭ داۋىس بەرمەي كەتكەنىن بايقامادىم. ياعني، پروبلەما بىردەن شەشىلىپ وتىردى. ءبىز داۋىستاردى ساناۋ بارىسىندا دا ولاردىڭ دۇرىس سانالىپ جاتقانىنا كوز جەتكىزدىك. ارينە، ءبىز ناتيجەسىن تاعاتسىزدانا كۇتەمىز. سايلاۋشىلار وتە كوپ بولدى. داعدارىسقا قاراماستان ءوز دامۋىمەن العا قاراي ىلگەرىلەپ كەلە جاتقان ەلدەرىڭىز ءۇشىن قۋانۋعا بولادى»، - دەدى ز. ۆايگاۋسكاس.
اۆتور: مارلان جيەمباي
