ءبىزدى سايلاۋ ۋچاسكەلەرى مۇشەلەرىنىڭ اق پەيىلدىلىگى قايران قالدىردى - نيدەرلاندىق باقىلاۋشى
بۇل تۋرالى بۇگىن الماتىدا ق ر پارلامەنتى ءماجىلىسى مەن ءار ءتۇرلى دەڭگەيدەگى ءماسليحاتتار دەپۋتاتتارىنىڭ سايلاۋىنا قاتىستى وتكەن باسپا ءسوز ءماسليحاتى بارىسىندا نيدەرلاندى ەلىنەن كەلگەن حالىقارالىق تاۋەلسىز بايقاۋشى حەندريك فرانكەن مالىمدەدى.
«ءبىز بۇگىن الماتى قالاسىندا وننان استام سايلاۋ ۋچاسكەلەرىن ارالادىق. سوندا ءبىزدى قايران قالدىرعانى، سايلاۋ ۋچاسكەلەرى مۇشەلەرىنىڭ سايلاۋشىلاردى سونداي ءبىر اق پەيىلمەن، زور قۋانىشپەن قارسى الىپ جاتقانى بولدى. ءبىز بۇعان وتە ريزا بولدىق. سايلاۋعا دايىندىق ناۋقانى بارىسى جايىندا ەشتەڭە ايتا المايمىز. ويتكەنى، قازاقستانعا بۇگىن عانا كەلدىك. سوندىقتان، بۇگىنگى وتكىزىلىپ جاتقان شاراعا قاتىستى ايتار بولسام، سايلاۋ لايىقتى دارەجەدە، حالىقارالىق ستاندارتتارعا ساي وتكىزىلىپ جاتىر» ، - دەدى حەندريك فرانكەن.
اۆتور: ايبوتا جاپپاربەرگەن
