18:44, 20 - ناۋرىز 2016 | GMT +5
قازاقستاندا سايلاۋ اشىق، ءارى ءادىل وتۋدە - گرەكيا بايقاۋشىسى
استانا. قازاقپارات - قازاقستاندا سايلاۋ اشىق، ءارى ءادىل وتۋدە. بۇل تۋرالى بۇگىن استانادا بەرگەن باسپا ءسوز ءماسليحاتىندا گرەكيا اتىنان كەلگەن حالىقارالىق بايقاۋشى، تەننيس فەدەراتسياسىنىڭ پرەزيدەنتى زانياس سپيريدون ءمالىم ەتتى.
«ءبىز كەشە سايلاۋالدى دايىندىقتى پىسىقتادىق. داۋىس بەرۋ ۇدەرىسى باستالماي تۇرىپ، سايلاۋ ۋچاسكەلەرىنىڭ دايىندىعىن قاراپ شىقتىق. بۇگىن 5-6 سايلاۋ ۋچاسكەسىن ارالادىق. سايلاۋ بارىسى جوعارى دەڭگەيدە ۇيىمداستىرىلعان. جەكە ءوزىم ەشقانداي زاڭبۇزۋشىلىقتى كورگەن جوقپىز. بارلىعى اشىق جانە ءادىل ءوتىپ جاتتى» ، - دەپ اتاپ ءوتتى ز. سپيريدون.
«سوڭعى جىلدارى ءبىزدىڭ مەملەكەتتەر اراسىندا قارىم- قاتىناستار جاقسارا باستادى. ءبىزدىڭ وسى ەلگە كەلۋىمىز بۇل بايلانىستاردى تەرەڭدەتە تۇسەدى دەپ سەنەمىن» ، - دەدى حالىقارالىق بايقاۋشى.
اۆتور: جاسۇلان جولدىبايەۆ
