ءماجىلىس دەپۋتاتتارىن سايلاۋ قۇقىعى ق ح ا- نىڭ ايرىقشا مارتەبەسىن مويىنداۋ بولىپ تابىلادى - گ. ءابدىقالىقوۆا
بۇگىن استانادا ق ح ا- نىڭ كەزەكتەن تىس ХХІІІ سەسسياسىندا ق ر مەملەكەتتىك حاتشىسى گۇلشارا ءابدىقالىقوۆا ءمالىم ەتتى.
«كەشە پارلامەنت ءماجىلىسىنىڭ 98 دەپۋتاتىن سايلاۋ ءراسىمى ءوتتى، ياعني ولاردى ەلدىڭ ازاماتتار پارتيالىق ءتىزىم بويىنشا تاڭدادى. ال بۇگىن جوعارى زاڭنامالىق ورگاندا قازاقستان حالقى اسسامبلەياسىنىڭ اتىنان 9 دەپۋتاتتى سايلاۋ مىندەتى تۇر. بۇنداي قۇقىق قازاقستان حالقى اسسامبلەياسىنا 2007 -جىلعى كونستيتۋتسيالىق رەفورما بويىنشا بەرىلگەن بولاتىن. وسى ارقىلى ەلدىڭ بارلىق ەتنوستارىنا كەپىلدى پارلامەنتتىك وكىلدىك قامتاماسىز ەتىلگەن»، - دەدى گ. ءابدىقالىقوۆا.
بۇل رەتتە مەملەكەتتىك حاتشى ءماجىلىس دەپۋتاتتارىن سايلاۋ قۇقىعى اسسامبلەيانىڭ ايرىقشا مارتەبەسىن مويىنداۋ بولىپ تابىلاتىنىن، سونداي- اق ەلدىڭ ومىرىندە قوعامدىق كەلىسىم مەن جالپىۇلتتىق بىرلىكتىڭ جوعارى رولىنە ەرەكشە ءمان بەرىلىپ وتىرعانىن اتاپ ءوتتى.
ءدال قازىرگى ۋاقىتتا اسسامبلەيا مۇشەلەرى ءماجىلىس دەپۋتاتتىعىنا ۇسىنىلعان كانديداتتارعا داۋىس بەرىپ جاتىر.
اۆتور: رۋسلان عابباسوۆ
