استانادا ق ح ا سايلايتىن ق ر پارلامەنتى ءماجىلىسىنىڭ دەپۋتاتتارىنىڭ كەزەكتەن تىس سايلاۋى باستالدى
وندا «ق ر سايلاۋ تۋرالى» ق ر كونستيتۋتسيالىق زاڭىنىڭ 93-1-بابىنا سايكەس، اسسامبلەيا مۇشەلەرى اسسامبلەيا سايلايتىن ق ر پارلامەنتى ءماجىلىسىنىڭ دەپۋتاتتىعىنا ق ح ا كەڭەسى ۇسىنعان كانديداتتار ءۇشىن داۋىس بەرۋدى باستادى.
سەسسيا جۇمىسىنا ەلدىڭ بارلىق وڭىردەرىنەن، رەسپۋبليكالىق جانە وڭىرلىك ەتنومادەني بىرلەستىكتەر وكىلدەرىنىڭ قاتارىنان قۇرالعان قحا مۇشەلەرى، قوعام قايراتكەرلەرى، عىلىمي جانە شىعارماشىل زيالى قاۋىمنان تۇراتىن دەلەگاتسيالار، ق ر- دا تىركەلگەن حالىقارالىق بايقاۋشىلار مەن شەتەلدىك باق قاتىسۋدا. ساعات 07:00 دە استانا قالاسىنىڭ قالالىق سايلاۋ كوميسسياسى بەيبىتشىلىك جانە كەلىسىم سارايىندا پارلامەنت ءماجىلىسىنىڭ دەپۋتاتتارىن سايلاۋ بويىنشا ارنالعان پۋنكتتى اشتى.
ايتا كەتەيىك، ق ر پارلامەنتى ماجىلىسىندە 107 دەپۋتات بار، ونىڭ 98 ى پارتيالىق ءتىزىم بويىنشا، 9 ى قازاقستان حالقى اسسامبلەياسى اتىنان سايلانادى. ەسكە سالا كەتەيىك، 2 -ناۋرىز كۇنى ق ح ا اتىنان 9 ۇمىتكەر: ابدراحمانوۆ ساۋىتبەك ابدراحمان ۇلى، بوجكو ۆلاديمير كارپوۆيچ، جۇمادىلدايەۆا ناتاليا ۆاسيلەۆنا، كيم رومان ۋحەنوۆيچ، ميكاەليان نارينە گاملەتوۆنا، مۋرادوۆ احمەد سەيداراحمانوۆيچ، نۋرۋموۆ شايماردان ۋساينوۆيچ، تيموشەنكو يۋري ەۆگەنيەۆيچ، حاحازوۆ شاكير حۋساينوۆيچ تىركەلگەن بولاتىن.
اۆتور: جاسۇلان جولدىبايەۆ
