ءبىزدىڭ پارتيامىزدىڭ ءاربىر مۇشەسى كورسەتىلگەن سەنىمدى باعالاۋى ءتيىس - ق ر پرەزيدەنتى - فوتو

استانا. قازاقپارات - ەلباسى نۇرسۇلتان نازاربايەۆ «نۇر وتان» پارتياسىنىڭ رەسپۋبليكالىق سايلاۋ الدى شتابىنا باردى، دەپ حابارلادى اقوردانىڭ باسپا ءسوز قزمەتىنەن.

ءىس- شاراعا شتاب مۇشەلەرى، سەنىمدى وكىلدەر، جاستار، سونداي-اق وڭىرلىك شتابتاردىڭ بەلسەندىلەرى بەينە كونفەرەنتسيا رەجيمىندە قاتىستى.

ساعات 00:00 دە جالپىۇلتتىق ەكزيت- پول ناتيجەلەرى باياندالعان جاڭالىقتار شىعارىلىمى قارالدى. ەكزيت- پول قورىتىندىسىنا سايكەس، «نۇر وتان» پارتياسى سايلاۋشىلاردىڭ %82 داۋىسىن جينادى. جينالعاندارعا ءسوز ارناعان قازاقستان پرەزيدەنتى بارلىعىن تاريحي جەڭىسپەن قۇتتىقتادى.

«الدىن الا مالىمەتتەر بويىنشا، سايلاۋشىلاردىڭ باسىم كوپشىلىگى «نۇر وتان» پارتياسىنا سەنىم ءبىلدىردى، بۇل - بۇكىل حالىقتىڭ جەڭىسى. قازاقستاندىقتار ەلدە جۇرگىزىلىپ وتىرعان ساياساتتى، پارتيا جاريالاعان باعدارلامالار مەن رەفورمالاردى تاعى دا قولداپ شىقتى. بۇگىن مەن بارلىق داۋىس بەرۋشىلەرگە ريزاشىلىعىمدى بىلدىرەمىن. ءبىزدىڭ پارتيامىزدىڭ ءاربىر مۇشەسى وسى ءبىر كۇردەلى كەزەڭدە كورسەتىلگەن سەنىمدى باعالاۋى ءتيىس. بۇل جەڭىس - كوپجىلدىق جۇمىستىڭ ناتيجەسى. سوعان وراي، وڭىرلىك شتابتارعا، بەلسەندىلەر مەن پارتيا ەرىكتىلەرىنە العىس ايتامىن. سايلاۋدى 800 شەتەلدىك جانە 10 مىڭعا تارتا جەرگىلىكتى بايقاۋشىلار باقىلادى، ولار سايلاۋ ۇدەرىسى زاڭناماعا سايكەس وتكەنىن اتاپ ءوتتى. ءبىز الەمدىك قوعامداستىق الدىندا اشىق ءارى ءادىل سايلاۋ وتكىزدىك»، - دەدى مەملەكەت باسشىسى.

نۇرسۇلتان نازاربايەۆ سايلاۋعا قاتىسقان وزگە پارتيالارعا دا العىس ءبىلدىردى.

«ولار بەلسەندىلىك تانىتتى، «نۇر وتان» پارتياسى ولاردىڭ ايتقان ۇسىنىستارى مەن ەسكەرتۋلەرىن نازارعا الادى جانە اتالعان ماسەلەلەر بويىنشا ءوزارا ءىس- قيمىلدى جالعاستىراتىن بولادى»، - دەدى قازاقستان پرەزيدەنتى.

سوڭىندا مەملەكەت باسشىسى بارشانى پارتيانىڭ جەڭىسىمەن قۇتتىقتاپ، پارتيا مۇشەلەرىنە الداعى ۋاقىتتا قاجىرلى ەڭبەك ەتىپ، تابىسقا جەتۋگە تىلەكتەستىگىن ءبىلدىردى.