بۇل كۇنى ق ر حالىق جازۋشىسى قۋاندىق شاڭعىتبايەۆ دۇنيەگە كەلگەن
اقتوبە وبلىسىندا تۋعان. قازاق مەملەكەتتىك ۋنيۆەرسيتەتىن (ءال- فارابي اتىنداعى قازاق ۇلتتىق ۋنيۆەرسيتەتى) بىتىرگەن.
اقتوبە پەداگوگيكالىق ينستيتۋتىنىڭ كافەدرا مەڭگەرۋشىسى، اقتوبە وبلىسىنىڭ «سوتسياليستىك جول»، «اكتيۋبينسكايا پراۆدا» گازەتتەرىندە ءبولىم مەڭگەرۋشىسى، «قازاق ادەبيەتى» گازەتىندە، «جۇلدىز» جۋرنالىندا باس رەداكتوردىڭ ورىنباسارى، باس رەداكتور، «قازاقفيلم» كينوستۋدياسىندا، قازاق راديوسىندا باس رەداكتور قىزمەتتەرىن اتقارعان.
العاشقى كىتابى «ار» دەگەن اتپەن 1945 -جىلى جارىق كوردى. كەيىن تۋعان ولكەنىڭ شىنايى وزگەرىستەرىن، زامانداستارىنىڭ اقىل- پاراساتىن، ادامگەرشىلىك قاسيەتىن جىرلاعان «ولەڭدەر»، «اققۋ ءانى»، «ار ما، رەسپۋبليكام»، «ليريكا»، «جىر جاھانى»، «گۇلتولقىن»، «سارشاتامىز»، «جىل قۇسى» اتتى ليريكالىق شىعارمالارى جارىق كوردى.
شاڭعىتبايەۆ دراماتۋرگيا سالاسىندا دا ەڭبەك ەتىپ، ق. بايسەيىتوۆپەن بىرگە «بەۋ، قىزدار- اي» ، «وي جىگىتتەر- اي»، قۇتىرعاننان قۇتىلعان» پەسالارىن جانە «التىن تاۋلار»، «ايسۇلۋ» وپەرالارىنىڭ ليبەرتتوسىن جازدى. ول - كوپتەگەن ءان ولەڭدەرىنىڭ اۆتورى. سونداي- اق ا. پۋشكيننىڭ «ەۆگەنيي ونەگين» رومانىن، م. لەرمونتوۆ، ي. گەتە، ر. بەرنس ليريكالارىن، ومار حايامنىڭ رۋباياتتارىن، ا. گوركيدىڭ «قىز بەن اجال» پوەماسىن قازاق تىلىنە اۋداردى.
