سايلاۋدىڭ العاشقى قورىتىندىلارى جاريالاندى
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگ بارىسىندا ينستيتۋت ديرەكتورى يۋليا كۋچينسكايا ءمالىم ەتتى.
«دەموكراتيا ينستيتۋتى بۇگىن وتكەن سايلاۋ اياسىندا جالپى حالىقتىق ساۋالناما (Exit-poll) جۇرگىزدى. ينستيتۋتتىڭ زەرتتەۋى ەلىمىزدىڭ 14 وبلىسى مەن استانا، الماتى قالالارىندا جۇرگىزىلدى. Exit-poll تاڭعى 07.00-دەن كەشكى 20.00-گە دەيىن 750 سايلاۋ ۋچاسكەسىندە جۇرگىزىلدى.
ساۋالناماعا 75 مىڭ ادام قاتىستى. سونىمەن، Exit-poll-دىڭ قورىتىندىسى بويىنشا سايلاۋعا تۇسكەن پارتيالار مىنانداي ناتيجە كورسەتتى:
«نۇر وتان» پارتياسى - 82 پايىز داۋىس، «قازاقستاننىڭ كوممۋنيستىك حالىق پارتياسى» - 7,17 پايىز، «اق جول» پارتياسى - 7,22 پايىز، «بىرلىك» پارتياسى - 0,35 پايىز داۋىس، جالپى ۇلتتىق الەۋمەتتىك- دەموكراتيالىق پارتيا - 1,21 پايىز داۋىس، مەن «اۋىل» پارتياسى 2,05 پايىز داۋىس جيناعان.
ەستەرىڭىزگە سالا كەتەيىك، قازاقستان رەسپۋبليكاسىندا پارلامەنت ءماجىلىسىنىڭ جانە بارلىق دەڭگەيدەگى ءماسليحاتتار سايلاۋى ءوتتى. قازاقستان مەن شەت ەلدەردى قوسا العاندا، حالىق بارلىعى 9840 سايلاۋ ۋچاسكەسىندە تاڭعى ساعات 07.00-دەن كەشكى 20.00-گە دەيىن داۋىس بەردى.
