ق. تۇرعانقۇلوۆ: ورتالىق سايلاۋ كوميسسياسىنا سايلاۋشىلاردىڭ ەرىك ءبىلدىرۋ قورىتىندىسىنا ىقپال ەتەتىندەي شاعىمدار تۇسكەن جوق

استانا. قازاقپارات - ورتالىق سايلاۋ كوميسسياسىنا سايلاۋشىلاردىڭ ەرىك ءبىلدىرۋ قورىتىندىسىنا ىقپال ەتەتىندەي شاعىمدار تۇسكەن جوق.

بۇل تۋرالى ق ر ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆ ءمالىم ەتتى.

«بۇگىنگى داۋىس بەرۋ بارىسىندا سايلاۋشىلار بەلسەندىلىگىنىڭ دەڭگەيى وتە جوعارى بولعانىن اتاپ كورسەتەمىز. ەستەرىڭىزگە سالا كەتسەك، سايلاۋ زاڭناماسىنا سايكەس، سايلاۋ ۋچاسكەسىندە داۋىستاردى ساناۋ ۋاقىتى ساناۋ باستالعان كەزدەن باستاپ ون ەكى ساعاتتان اسپاۋى ءتيىس. تولىقتاي العاندا، داۋىس بەرۋ ق ر كونستيتۋتسياسىنىڭ نورمالارى مەن سايلاۋ زاڭناماسىن قانداي دا ءبىر ورەسكەل بۇزۋشىلىقسىز ءوتتى. قازىرگى ۋاقىتتا ورتالىق سايلاۋ كوميسسياسىنا سايلاۋشىلاردىڭ ەرىك ءبىلدىرۋ قورىتىندىسىنا ىقپال ەتەتىندەي شاعىمدار تۇسكەن جوق»، - دەدى ق. تۇرعانقۇلوۆ.

ق ر و س ك دەرەكتەرىنە سايكەس، وبلىستىق، استانا جانە الماتى قالالارىنىڭ سايلاۋ كوميسسيالارىنان كەلىپ تۇسكەن حابارلار بويىنشا تىزىمگە ەنگىزىلگەن 9 ميلليون 810 مىڭ 920 سايلاۋشىنىڭ 7 ميلليون 564 مىڭ 281- ءى سايلاۋ بيۋللەتەندەرىن الدى. تىزىمگە ەنگىزىلگەن سايلاۋشىلاردىڭ اقمولا وبلىسى بويىنشا - 79,68، اقتوبە وبلىسى بويىنشا - 80,26، الماتى وبلىسى بويىنشا - 94,06، اتىراۋ وبلىسى بويىنشا - 85,37، باتىس قازاقستان وبلىسى بويىنشا - 73,68، جامبىل وبلىسى بويىنشا - 82,66، قاراعاندى وبلىسى بويىنشا - 78,83، قوستاناي وبلىسى بويىنشا - 84,85، قىزىلوردا وبلىسى بويىنشا - 81,75، ماڭعىستاۋ وبلىسى بويىنشا - 75,91، وڭتۇستىك قازاقستان وبلىسى بويىنشا - 85,06، پاۆلودار وبلىسى بويىنشا - 72,85، سولتۇستىك قازاقستان وبلىسى بويىنشا - 81,57، شىعىس قازاقستان وبلىسى بويىنشا - 82,44، استانا قالاسى بويىنشا - 74,65، ال الماتى قالاسى بويىنشا 34,1 پايىزى داۋىس بەردى.

 اۆتور: مارلان جيەمباي