شىمكەنتتە جاس جۇبايلار توي كۇنىندە داۋىس بەردى - فوتو

شىمكەنت. قازاقپارات - شىمكەنتتە جاس جۇبايلار نەكەسىن قيعان سوڭ بىردەن سايلاۋ ۋچاسكەسىنە باردى.

 قانات پەن گۇلميرا قامباروۆتار نەكەسىن قيعاننان كەيىن بىردەن سايلاۋ ۋچاسكەسىنە باردى. وزگە داۋىس بەرۋشىلەرگە قاراعاندا قالىڭدىق پەن كۇيەۋ جىگىت ەرەكشە بولىپ كورىندى.

«بۇگىن ماڭىزدى كۇن، بولاشاعىمىزدى تاڭداپ جاتىرمىز. ول بىزگە بايلانىستى. تويىمىزدى جوسپارلاعاندا، قالانى ارالاعان ۋاقىتتا سايلاۋ ۋچاسكەسىنە سوعامىز دەپ مەجەلەدىك. كىمگە جانە قاي پارتياعا داۋىس بەرۋ تۇرعىسىندا ەكەۋمىزدىڭ پىكىرىمىز ءبىر جەردەن شىقتى. بۇل ءبىزدىڭ ورتاق تاڭداۋىمىز» ، - دەدى قانات قامباروۆ.

م. اۋەزوۆ اتىنداعى وقمۋ عيماراتىندا ورنالاسقان №94 سايلاۋ ۋچاسكەسىندە سايلاۋشىلاردىڭ تىزىمىندە  1842 ادام بولدى.

 «ءبىزدىڭ ۋچاسكەدە 711 ستۋدەنت داۋىس بەرەدى. جاستاردىڭ 105 ءى العاش رەت داۋىس بەرگەلى جاتىر. ادامداردىڭ بەلسەندىلىگى جوعارى» ، - دەدى №94 سايلاۋ ۋچاسكەسىنىڭ سايلاۋ كوميسسياسىنىڭ ءتوراعاسى ەرنست تىلەۋىلوۆ.

 ول اتاپ وتكەندەي، 12 سايلاۋشىعا جاشىكتى ۇيىنە اپارادى. ويتكەنى ارداگەرلەر دەنساۋلىعىنا بايلانىستى سايلاۋ ۋچاسكەسىنە بارا المايدى.