21:44, 20 - ناۋرىز 2016 | GMT +5
قىتاي باقىلاۋشىسى بۇگىنگى سايلاۋ تۋرالى ءوز باعاسىن بەردى
استانا. قازاقپارات - قىتايدان كەلگەن باقىلاۋشى - قىتاي حالىق رەسپۋبليكاسىنىڭ ەكس- ەلشىسى ياۋ پەيشەن بۇگىنگى ءماجىلىس جانە ءماسليحات سايلاۋىن جوعارى باعالادى، دەپ حابارلايدى.
«بۇگىن ءبىزدىڭ دەلەگاتسيا قازاقستان رەسپۋبليكاسى ورتالىق سايلاۋ كوميسسياسىنىڭ باسشىلارىمەن كەزدەستى. سونداي-اق، 6 سايلاۋ ۋچاسكەسىن ارالاپ، داۋىس بەرۋدى دايىنداۋ جانە ۇيىمداستىرۋ پروتسەسىمەن تانىستى. قىتاي دەلەگاتسياسى جۇمىسىنىڭ ناتيجەسى بويىنشا بۇگىنگى سايلاۋ قازاقستاننىڭ سايلاۋ زاڭناماسىنا جانە جالپىعا ورتاق حالىقارالىق قۇقىق نورمالارىنا ساي وتكىزىلدى دەپ ايتا الامىز»، - دەدى باقىلاۋشى.
ونىڭ ايتۋىنشا، سايلاۋ بارىسى ءساتتى ءارى تىنىش ءوتتى، سايلاۋدا ەشقانداي زاڭ بۇزۋشىلىقتار انىقتالعان جوق. سايلاۋ زاڭعا جانە دەموكراتيا تالاپتارىنا ساي اشىق ءوتتى.
Baq.kz
