21:36, 20 - ناۋرىز 2016 | GMT +5
ولجاس سۇلەيمەنوۆ: سان عاسىردان كەيىن مەملەكەتتىلىگىمىزدى قايتا جاڭعىرتاتىن جاقسى ءسات تۋدى
استانا. قازاقپارات - حالىق جازۋشىسى ولجاس سۇلەيمەنوۆ ساياسي ناۋقانعا زور سەنىم ارتادى. ءوزىنىڭ شىنايى شىعارمالارىنا بىرلىك پەن ىنتىماقتى التىن ارقاۋ ەتەتىن قالامى جورعا قايراتكەر «جاڭادان جاساقتالار ءماجىلىس مەملەكەتتىڭ دامۋىن دىتتەيتىن دىڭگەگى بەرىك شەشىمدەر قابىلداۋعا قاۋقارلى بولادى»، - دەيدى.
سوندىقتان ول پارلامەنتتە قايتا قۇرىلاتىن تومەنگى پالاتانىڭ قىزمەتىن ءجىتى باقىلاپ، ودان تۋعان ويىن جاڭا كىتابىنا ەنگىزبەكشى.
ولجاس سۇلەيمەنوۆ، قازاقستاننىڭ حالىق جازۋشىسى:
- بىزگە سان عاسىردان كەيىن ءوزىمىزدىڭ مەملەكەتتىلىگىمىزدى قايتا جاڭعىرتاتىن جاقسى ءسات تۋدى. سول مۇمكىندىكتى ءمۇلت جىبەرمەۋىمىز كەرەك. كوزدەگەن ماقساتىمىزعا جەتۋ ءۇشىن بار قاجىر- قايراتىمىزدى سارپ ەتۋگە ءتيىسپىز. ارينە، وسى جولدا كەزىگەر كەدەرگىلەر دە جوق ەمەس، الايدا قازىر ءبىز دۇرىس باعىت ۇستانىپ كەلە جاتىرمىز دەپ زور سەنىممەن ايتا الامىن.
www.24.kz
