ا ق ش- تا داۋىس بەرۋ ەندى عانا باستالدى
كولۋمبيا وكرۋگى، ۆيردجينيا مەن مەريلەند شتاتتارىندا تۇراتىن قازاقستاندىقتار ازاماتتىق قۇقىقتارىن ۆاشينگتونداعى №199 سايلاۋ ۋچاسكەسىندە جۇزەگە اسىرا الادى. ال نەگىزىنەن سولتۇستىك شتاتتاردا تۇراتىن وتانداستارىمىزدىڭ ەلىمىزدىڭ نيۋ- يوركتەگى باس كونسۋلدىعىندا ورنالاسقان №200 -سايلاۋ ۋچاسكەسىندە داۋىس بەرۋگە مۇمكىندىگى بار.
بۇل جەردە ديپلوماتتار مەن ولاردىڭ وتباسى مۇشەلەرىنەن باسقا، نيۋ- دجەرسي، پەنسيلۆانيا، ميچيگان، ۆيسكونسين، كوننەكتيكۋت پەن باسقا 20 شتاتتا تۇراتىن جەرلەستەرىمىزدىڭ ساياسي مىندەتىن وتەۋگە جاعداي جاسالعان. بارلىعى جۇزدەن استام قازاقستاندىق كەلەدى دەپ كۇتىلۋدە. تۇرسىن بايتاسوۆا، پروفەسسور، فيزيكا- ماتەماتيكا عىلىمدارىنىڭ كانديداتى:
- ۆاشينگتون قالاسىندا، قازاقستان ەلشىلىگىندە سايلاۋ بولىمشەسى جۇمىسىن باستاپ، وسى شەتەلدە ءبىرىنشى رەت سايلاۋدا داۋىس بەردىم. قاي ەلدە، قاي جەردە جۇرسەك تە، داۋىس بەرۋ ءاربىر ازاماتتىڭ بورىشى دەپ ەسەپتەيمىن. جاھاندانۋ زامانىندا ەلىمىزدىڭ ورەسى ءوسىپ، كوك بايراعى بيىكتەي بەرسىن دەيمىن، ەل امان، جۇرت تىنىش بولسىن.
شىڭعىس اسقاروۆ، ا ق ش- تاعى سايلاۋ كوميسسياسىنىڭ مۇشەسى:
- بۇگىنگى تاڭدا وتانداستارىمىزدىڭ اراسىنان ۆاشينگتون قالاسىنداعى ۋچاسكەسىنە 80 ادامعا جۋىق داۋىس بەرۋشى نيەت ءبىلدىردى. اتاپ ايتقاندا، ولار - قازاقستان رەسپۋبليكاسى ەلشىلىگىنىڭ قىزمەتكەرلەرى جانە كامەلەتكە تولعان وتباسى مۇشەلەرى جانە دە ا ق ش- تا وقىپ جۇرگەن ستۋدەنتتەر جانە قىزمەت بابىمەن وسى ەلگە كەلگەن قازاقستان ازاماتتارى.
24.kz
