بۇگىنگى كۇن ەرتەڭنىڭ قامى

استانا. قازاقپارات - سولتۇستىك قازاقستان وبلىسىنداعى سايلاۋ شارىقتاۋ شەگىنە جەتتى.

قازىر نەگىزىنەن كۇنى بويى قولى تيمەگەن قالا تۇرعىندارى داۋىس بەرىپ جاتىر.

«تويدىڭ بولارىنان، بولادىسى قىزىق» دەمەكشى، ساياسي الامان دا ءوز مارەسىنە جەتۋگە جاقىن. قازىرگى ۋاقىتتا سايلاۋشىلاردىڭ دەنى وزدەرىنىڭ ازاماتتىق بورىشتارىن ورىنداپ ۇلگەردى. بۇعان كۇنى بويى جاۋعان جاڭبىر دا كەدەرگى كەلتىرگەن جوق. ەندى ءبىر ساعاتتان كەيىن ۋچاسكەلەر جابىلىپ، جاشىكتەر اشىلىپ، داۋىس ساناعى باستالادى. بۇگىن پەتروپاۆلدا 90 داۋىس بەرۋ ورنى جۇمىس ىستەپ تۇر. قالا بويىنشا 146 مىڭنان استام سايلاۋشى تىركەلگەن. ءوز تاڭداۋىن جاساعانداردىڭ ءبىرى -  ەركەبۇلان امانجولوۆ. زاعيپتار ۇيىمىنىڭ ءتوراعاسى ساياسي ناۋقان جايلى بىلاي دەيدى.

ەركەبۇلان امانجولوۆ، قالالىق زاعيپتار ۇيىمىنىڭ ءتوراعاسى:

- بۇگىن ءوز وتباسىممەن بىرگە بولاشاعىمىز ءۇشىن داۋىس بەردىك. جاستاردىڭ ءوزى كوپ بولدى وسىندا. اق ساقالدى اتالارىمىز دا، اجەلەرىمىز دە كەلىپ جاتىر. ايتا كەتەيىن، ساياسي ناۋقاننان ەمدەۋ مەكەمەلەرىندە جاتقان ناۋقاستار مەن ءجۇرىپ- تۇرۋى قيىن ادامدار دا قالىس قالمادى. ولار ءوز بيۋللەتەندەرىن جىلجىمالى جاشىكتەرگە سالدى.

24.kz