20:06, 20 - ناۋرىز 2016 | GMT +5
جاس جۇبايلار توي كويلەگىمەن داۋىس بەرۋگە كەلدى - قىزىلوردا - فوتو
قىزىلوردا. قازاقپارات - اۋداندىق وقۋشىلار ۇيىندە ورنالاسقان №56 -سايلاۋ ۋچاسكەسىندە جاس جۇبايلار داۋىس بەردى.
قازالى اۋداندىق اكىمدىگىنىڭ باسپا ءسوز قىزمەتىنىڭ حابارلاۋىنشا، توي كويلەگىن كيگەن قالىڭدىق - اسەم اقمىرزامەن كۇيەۋ جىگىت - جاسۇلان سانايەۆپەن بىرگە كەزەككە تۇرىپ، ءوز داۋىستارىن بەرگەن. ولار سايلاۋ كۇنى وتباسىن قۇرعاندارىنا ەرەكشە قۋانىشتى.
اسەم اقمىرزا مەن جاسۇلان سانايەۆتىڭ ايتۋىنشا، بۇل كۇننىڭ ولار ءۇشىن ورنى ەرەكشە. «جاس وتباسى رەتىندە ەلىمىزدىڭ بولاشاعى ءۇشىن داۋىس بەرگەنىمىزگە قۋانىشتىمىز»، - دەيدى جاس جۇبايلار.
اۆتور: ەلۋباي اۋەزوۆ
