19:06, 20 - ناۋرىز 2016 | GMT +5
ساياسي پارتيالار ينتەرنەت رەسۋرستاردى بەلسەندى پايدالاندى - ساياساتتانۋشى
استانا. قازاقپارات - ساياسي پارتيالاردىڭ بارلىعى ينتەرنەت رەسۋرستاردى بەلسەندى پايدالاندى.
ق ر پارلامەنتى ءماجىلىسى مەن ءار ءتۇرلى دەڭگەيدەگى ءماسليحاتتار دەپۋتاتتارىنىڭ سايلاۋىنا قاتىستى پىكىر بىلدىرگەن ساياساتتانۋشى جارقىن تۇسىپبەك ۇلى وسىلاي مالىمدەدى.
«بارلىق ساياسي پارتيالار سايلاۋشىلارمەن ءداستۇرلى كەزدەسۋلەردەن بولەك، حالىقتىڭ ەلەكتورالدى بەلسەندىلىگىن ارتتىرۋ ماقساتىندا بىرنەشە ءىس- شارالار وتكىزدى. ولاردىڭ ىشىندە سايلاۋ تەحنولوگياسى بويىنشا ەڭ تانىمال بولعان سۋرەتتەر بايقاۋى مەن پوستەرلەر كونكۋرسىن ايتۋعا بولادى. سونداي- اق، بىزدەگى ساياسي پارتيالاردىڭ بارلىعى ينتەرنەت رەسۋرستاردى بەلسەندى پايدالاندى»، دەدى ساراپشى.
