قازاقستاندىق جۇلدىزدار سايلاۋدا داۋىس بەردى - فوتو

استانا. قازاقپارات - قازاقستاندا بۇگىن قر پارلامەنت ءماجىلىسىنىڭ كەزەكتەن تىس جانە ءماسليحاتتىڭ كەزەكتى سايلاۋى ءوتىپ جاتىر.

سايلاۋعا ونەر جۇلدىزدارى دا قاتىسىپ، ءوز داۋىستارىن بەردى.

بۇل تۋرالى Baistars.kz حابارلايدى.

 

اتاقتى وپەرا ءانشىسى مايرا مۇحاممەد قىزى داۋىس بەرۋگە العاشقىلاردىڭ ءبىرى بولىپ باردى. ول «نۇر وتان» پارتياسىنا داۋىس بەرگەنىن جاسىرماي ايتتى.

 

حالىق ءارتىسى ماقپال ءجۇنىسوۆا دا سايلاۋعا بارىپ، حالىقپەن سۋرەتكە ءتۇسىپ، كوڭىلدەنىپ قايتقانىن ايتتى.

 

وليمپيادا چەمپيونى يليا يلين حالىقتى داۋىس بەرۋگە شاقىردى.

 

«نۇر وتان» پارتياسىنان دەپۋتاتتىققا ۇمىتكەن قايرات نۇرتاس تا ءوز تاڭداۋىن جاسادى.

 

ۆەلوشاباندوز الەكساندر ۆينوكۋروۆ ەۋروپادان ارنايى كەلىپ، داۋىس بەردى جانە قازاقستان حالقىن داۋىس بەرۋگە شاقىردى.

 

«جىگىتتەر» توبىنىڭ مۇشەسى باعلان ءابدىرايىموۆ ساياسي بەلسەندىلىگىن كورسەتتى. 

دينارا ساتجاننىڭ داۋىس بەرۋى داۋعا ۇلاستى. تەلەجۇرگىزۋشى «نۇر وتان» پارتياسىن 2 جاستاعى قىزى ديانا بەلگىلەپ جاتقان سۋرەتتى سالىپ، «قىزىم ءوز تاڭداۋىن جاسادى» دەپ جازدى. كوپشىلىك ونىڭ كىشكەنتاي ەكەنىن، داۋىس بەرە المايتىنىن ايتىپ، دينارانى سىنادى. كەيىن تەلەجۇرگىزۋشى بۇل سۋرەتتى الىپ تاستاپ، «سىزدەر ءازىلدى تۇسىنبەيدى ەكەنسىزدەر. ارينە، مەن ءوز داۋىس بەردىم» - دەپ جازدى.

 

بوكستان ازيا چەمپيونى دانيار ەلەۋسىنوۆ تە قالىس قالماي، ءوز داۋىسىن بەردى.

 

حالىق سۇيىكتىسى مەيرامبەك بەسبايەۆ تا بەلسەندىلىك تانىتتى.

  

«Ringo» توبىنىڭ ءانشىسى ايان بىربايەۆ « ۇلىمنىڭ، ەلىمنىڭ بولاشاعى ءۇشىن داۋىس بەردىم» دەپ جازدى ينستاگرام پاراقشاسىنا.

 

«ازيا» توبىنىڭ ءانشىسى رەنات باسيت تە «نۇر وتان» پارتياسىن تاڭدايتىنىن جازدى.

 ايتا كەتەيىك، استانا ۋاقىتىمەن تاڭعى 7.00 دە باستالعان سايلاۋ 20.00-گە دەيىن جالعاسادى.

پارلامەنتتىڭ تومەنگى پالاتاسىنىڭ ورىندارىنا التى ساياسي پارتيا تالاسادى: «نۇر وتان»، «اق جول» قازاقستاننىڭ دەموكراتيالىق پارياسى (ق د پ)، جالپىۇلتتىق سوتسيال- دەموكراتيالىق پارتيا (ج س د پ)، قازاقستان كوممۋنيستىك حالىق پارتياسى (ق ك ح پ)، «اۋىل» حالىقتىق- دەموكراتيالىق پاتريوتتىق پارتياسى جانە «بىرلىك» پارتياسى.

كامپانيا اياسىندا تومەنگى پالاتادان 107 دەپۋتات تاڭدالادى، ونىڭ ىشىندە 98 ى پارتيا ءتىزىمى بويىنشا دا، تاعى توعىزى قازاقستان حالقى اسسامبلەياسىنان.

سايلاۋدى ورتالىق سايلاۋ كوميسسياسى، 224-ايماقتىق جانە 9840 ۋچاسكەلىك سايلاۋ كوميسسياسى، ونىڭ ىشىندە 65 ى شەت ەلدەردە دايىنداپ، وتكىزىپ جاتىر.

سايلاۋ كۇنى و س ك ءار ەكى ساعات سايىن سايلاۋشىلاردىڭ قاتىسۋى جايلى مالىمەتتى جاريا ەتىپ وتىرادى. ال ساعات 00.00 دە قانشا ادامنىڭ داۋىس بەرگەنى جايلى الدىن الا مالىمەت جاريا ەتىلەدى.

Stan.kz