قازاقستان شىنايى دەموكراتيا قۇرۋ جولىندا ىلگەرىلەۋ ۇستىندە - كورەيلىك بايقاۋشى
« ەڭ الدىمەن سىزدەردى ناۋرىز مەيرامىمەن قۇتتىقتايمىن. ال سايلاۋ پروتسەسىنە كەلەر بولساق، ول قازاقستان رەسرۋبليكاسىنىڭ سايلاۋ زاڭناماسىنا ساي، مەرەكەلىك كوڭىل- كۇيدە ءوتىپ جاتىر. مەن بۇل سايلاۋلاردىڭ ناتيجەسىندە ەل بارىنشا تۇراقتالىپ، ءوزىنىڭ ىشكى ۇلتتىق ينتەگراتسياسىن نىعايتا تۇسەدى دەپ سەنەمىن» ، - دەدى ول.
سونىمەن قاتار كورەيلىك بايقاۋشى قازاقستان مەن كورەيا سايلاۋدى بايقاۋ سالاسىنداعى ىنتىماقتاستىعىن نىعايتۋ ارقىلى ءوزارا بايلانىستارىن كۇشەيتە تۇسەتىندىگىن اتاپ ءوتتى.
« قازاقستان شىنايى دەموكراتيا قۇرۋ جولىندا ىلگەرىلەپ كەلەدى. ايتا كەتەرلىگى، كورەيانىڭ سايلاۋ بارىسىندا زاماناۋي ەلەكتروندى تەحنولوگيالاردى قولدانۋدا مول تاجىريبەگە يە. ءبىز سايلاۋ پروتسەسىندە اقپاراتتىق تەحنولوگيالاردى قولدانۋ بويىنشا تاجىريبە بولىسپەك ويىمىزدا بار. سونىمەن قاتار ءبىزدىڭ ەلدەرىمىزدىڭ اراسىنداعى ەكونوميكالىق ىنتىماقتاستىقتىڭ دا كەڭەيە تۇسكەنىنە مۇددەلىمىز» ، - دەدى ليم چاي مەن.
اۆتور: مارلان جيەمباي
