استانادا جاس جۇبايلار ۇيلەنۋ تويىنان بۇرىن سايلاۋ ۋچاسكەسىنە كەلدى - فوتو
ولار ۇيلەنۋ تويىنا ارنالعان كيىمدەرىمەن №3 -مەكتەپ- گيمنازياسىندا ورنالاسقان 106-سايلاۋ ۋچاسكەسىنە كەلدى.
«ءبىز ساياباقتا تانىستىق، مەن دوستارىممەن سەرۋەندەپ جۇرگەنمىن، ال ول قۇربىلارىمەن. ايتپاقشى، ءبىز قالا كۇنىنەن باستاپ كەزدەسىپ جۇردىك. سايكەستىك، قالا كۇنىندە تانىستىق، ال سايلاۋ كۇنىندە ۇيلەنىپ جاتىرمىز. 16 جەلتوقسانعا قاراي بالامىز بولسا، ءتىپتى جاقسى بولار ەدى دەپ ويلايمىز»، - دەپ قالجىڭداستى لاۋرا مەن بەردىمۇرات جۇسىپوۆتەر.
نەلىكتەن ۇيلەنۋ تويىنىڭ بۇگىن بولعانىن قالادىڭىزدار دەگەن سۇراققا ولار بۇل كۇندى سايلاۋ بولاتىن كۇن بەلگىلەنەننەن بۇرىن جوسپارلاعاندارىن ايتتى. ء»بىز توي بولاتىن كۇندى الدىن الا جوسپارلادىق، ال سايلاۋ - كەرەمەت سايكەستىك. بۇل سايكەستىك ءۇشىن قاتتى قۋانىشتىمىز. ءبىز ەلىمىزدىڭ پاتريوتتارىمىز»، - دەدى جاس جۇبايلار.
ولار بولاشاق بالالارىنا مىندەتتى تۇردە قازاقستانمەن بايلانىستى ەسىمدى قوياتىندارىن ايتتى. جاس جۇبايلار داۋىس بەرىپ بولعان سوڭ ولارعا ىدىس- اياق جيىنتىعى سىيعا بەرىلدى.
ايتا كەتەيىك، جۇسىپوۆتەر سايلاۋ ۋچاسكەسىنە كەلگەندە قالىڭدىقتىڭ جەكە كۋالىگىن ۇمىتىپ كەتكەنى انىقتالدى. الايدا وعان داۋىس بەرۋ رۇقسات ەتىلىپ، ول ءوز ازاماتتىق پارىزىن ورىنداي الدى.
بۇگىن سايلاۋ 9840 ۋچاسكەدە ءوتىپ جاتىر. ايتا كەتەيىك، سايلاۋ كەزىندە 20 مىڭ پوليتسەي قۇقىق قورعاۋدى قامتاماسىز ەتەدى. بۇگىن، 20 -ناۋرىزدا استانا ۋاقىتىمەن تاڭعى 7.00 دە ەلدىڭ باسىم وڭىرلەرىندە سايلاۋ باستالدى. سايلاۋ 20.00 گە دەيىن جالعاسادى.
پارلامەنتتىڭ تومەنگى پالاتاسىنىڭ ورىندارىنا التى ساياسي پارتيا تالاسادى: «نۇر وتان»، «اق جول» قازاقستاننىڭ دەموكراتيالىق پارتياسى (ق د پ)، جالپىۇلتتىق سوتسيال- دەموكراتيالىق پارتيا (ج س د پ)، قازاقستان كوممۋنيستىك حالىق پارتياسى (ق ك ح پ)، «اۋىل» حالىقتىق-دەموكراتيالىق پاتريوتتىق پارتياسى جانە «بىرلىك» پارتياسى.
