ءانشى نۇرلان ابدۋللين سايلاۋ ۋچاسكەسىنە ەكى مارتە كەلۋگە ءماجبۇر بولدى
كەيىن مۋزىكانتتىڭ جەكە كۋالىكسىز كەلگەنى انىقتالدى. ابدۋلليننىڭ ايتۋىنشا، جاعداي ويلاماعان جەردەن بولعان، ءبىراق ول قالاي دا ازاماتتىق پارىزىن ورىندايمىن دەپ شەشتى. الايدا الماتىداعى №48 -مەكتەپتە ورنالاسقان №388 -سايلاۋ ۋچاسكەسىنىڭ قىزمەتكەرلەرى انشىگە بيۋللەتەن بەرە المادى. وسىدان كەيىن ابدۋللين كەيىنىرەك جەكە كۋالىگىمەن كەلىپ، داۋىس بەرۋدى ۋادە ەتتى.
ايتا كەتەيىك، شامامەن ءبىر ساعات وتكەندە ابدۋللين سايلاۋ ۋچاسكەسىنە قايتا كەلىپ، داۋىس بەردى.
ەسكە سالا كەتەيىك، بۇگىن، 20 -ناۋرىزدا استانا ۋاقىتىمەن تاڭعى 7.00 دە ەلدىڭ باسىم وڭىرلەرىندە سايلاۋ باستالدى. سايلاۋ 20.00 گە دەيىن جالعاسادى.
پارلامەنتتىڭ تومەنگى پالاتاسىنىڭ ورىندارىنا التى ساياسي پارتيا تالاسادى: «نۇر وتان»، «اق جول» قازاقستاننىڭ دەموكراتيالىق پارياسى (ق د پ)، جالپىۇلتتىق سوتسيال- دەموكراتيالىق پارتيا (ج س د پ)، قازاقستان كوممۋنيستىك حالىق پارتياسى (ق ك ح پ)، «اۋىل» حالىقتىق- دەموكراتيالىق پاتريوتتىق پارتياسى جانە «بىرلىك» پارتياسى.
كامپانيا اياسىندا تومەنگى پالاتادان 107 دەپۋتات تاڭدالادى، ونىڭ ىشىندە 98 ى پارتيا ءتىزىمى بويىنشا دا، تاعى توعىزى قازاقستان حالقى اسسامبلەياسىنان. سايلاۋالدى كەزەڭنىڭ حرونولوگياسىمەن مىنا سىلتەمەدەن تانىسۋعا بولادى.
