ك س ر و حالىق ءارتىسى ي. كوبزون: حالىق سايلاۋعا شىن جۇرەكتەن داۋىس بەرۋگە كەلىپ جاتىر
بۇل تۋرالى بۇگىن ق ر پارلامەنتى ءماجىلىسىن سايلاۋ بارىسىن باقىلاۋعا كەلگەن شەتەلدىك دەلەگاتتاردىڭ باسپا ءسوز ءماسليحاتىندا ك س ر و حالىق ءارتىسى، ر ف مەملەكەتتىك دۋماسىنىڭ دەپۋتاتى يوسيف كوبزون ءمالىم ەتتى.
«مەن باۋىرلاس ەلگە كەلىپ وتىرمىن. قازاقستانعا باۋىر باسىپ قالعانىم سونشالىق، مەن بۇل ەل تۋرالى شەكسىز ايتىپ وتىرا الامىن. مەن قازاقستانعا العاش رەت 1956 -جىلى اسكەري مىندەتىمدى اتقارۋ ءۇشىن كەلگەن بولاتىنمىن. قوستاناي وبلىسىندا تىڭ يگەرۋگە قاتىستىم. سودان بەرى مەن قازاقستاندى جاقسى كورەمىن. سول ۋاقىتتان بەرى مەن بۇل ەلگە جىل سايىن كەلىپ وتىرامىن»، - دەيدى ي. كوبزون.
ونىڭ ايتۋىنشا، قازاقستانداعى سايلاۋ حالىقتىڭ وتە ۇلكەن بەلسەندىلىگىمەن ءوتىپ جاتىر.
«بايقاۋشى رەتىندە ايتايىن دەگەنىم، سايلاۋ وتە بەلسەندى وتۋدە، حالىق شىن جۇرەكتەن داۋىس بەرىپ جاتىر. بارلىق جەردە كەزەك كوپ. مەن ۇلكەن قىزىعۋشىلىقپەن قارادىم، سەبەبى ءبىزدىڭ ەلدە بيىل سايلاۋ وتەدى جانە ولاردان وسىنداي ازاماتتىق كوزقاراستارىن وسىنداي بەلسەندىلىكپەن تانىتقاندارىن قالار ەدىم»، - دەدى ر ف بايقاۋشىسى.
ايتا كەتەيىك، ق ر پارلامەنتى ءماجىلىسىنىڭ دەپۋتاتتارىن سايلاۋ بارىسىن باقىلاۋعا 817 حالىقارالىق بايقاۋشى مەن 147 شەتەلدىك ب ا ق وكىلدەرى كەلىپ وتىر.
اۆتور: جاسۇلان جولدىبايەۆ
