ن. نازاربايەۆ قازاقستاننىڭ باسقا ساياسي جۇيەگە اۋىسۋىن جوققا شىعارمادى

استانا. قازاقپارات - ق ر پرەزيدەنتى نۇرسۇلتان نازاربايەۆ باسقا ساياسي جۇيەگە اۋىسۋ مۇمكىندىگىن جوققا شىعارمادى. بۇل تۋرالى مەملەكەت باسشىسى داۋىس بەرۋ راسىمىنەن كەيىن تىلشىلەرگە بەرگەن سۇحباتىندا ءمالىم ەتتى.

قازاقستاندا بەس ينستيتۋتسيونالدى رەفورما جۇزەگە اسىرىلىپ جاتقانىنا توقتالعان پرەزيدەنت، وعان سايكەس ۇكىمەت جانە جەرگىلىكتى اتقارۋشى ورگاندار حالىققا ەسەپ بەرۋگە مىندەتتى بولعانىن ەسكە سالىپ ءوتتى.

«جەرگىلىكتى جەرلەردە ءاربىر اكىم، ۇكىمەتتىڭ ءار ءمينيسترى جىل سايىن حالىق الدىندا ەسەپ بەرەدى جانە ولاردىڭ بارلىق شەشىمدەرى بۇقارالىق اقپارات قۇرالدارى مەن حالىق ءۇشىن اشىق بولۋى ءتيىس» ، - دەدى ن. نازاربايەۆ.

ال ساياسي جۇيەدە وزگەرىستەر تۇرعىسىندا پرەزيدەنت بۇل ماسەلە ق ر اتا زاڭىنا قاتىستى ەكەنىن اتاپ ءوتتى. وسى ورايدا ەلباسى كونستيتۋتسيانى حالىق رەفەرەندۋمدا قابىلداعانىن جانە حالىق وسى ماسەلەنى ءوزى شەشەتىنىن جەتكىزدى.

«وزگەرىستەر بولۋى قاجەت. قازاقستاندا بيلىكتىڭ پرەزيدەنتتىك جۇيەسى بار. پرەزيدەنت، پارلامەنت جانە ۇكىمەت تارماقتارى اراسىنداعى بيلىكتى قايتا ءبولۋ بويىنشا ءسوز قوزعالۋى مۇمكىن. ءبىز بۇل باعىتتا ويلانىپ جاتىرمىز. ال بۇل جاعداي ورىن العاندا، ەكونوميكاداعى، الەمدەگى، ەلدىڭ ىشىندەگى احۋال بويىنشا قارايتىن بولامىز. باسقارۋدىڭ باسقا جۇيەسىنە اۋىسۋ قاجەت دەگەن قالاۋ بولسا، ءبىز وسى تۇرعىدا وتە بايىپپەن ويلانامىز جانە ويلانىپ جاتىرمىز» ، - دەپ تۇيىندەدى پرەزيدەنت.

 

 اۆتور: رۋسلان عابباسوۆ