ەلباسى سايلاۋ ۋچاسكەلەرىنە قاراي اعىلىپ جاتقان قازاقستان حالقىنا العىسىن ايتتى
«مەن ءوزىمنىڭ ازاماتتىق قۇقىعىمدى ورىنداپ، بۇگىنگى سايلاۋدا داۋىس بەردىم. بۇل سايلاۋ ءبىزدىڭ تاريحىمىزداعى وتە ءبىر ەلەۋلى كەزەڭ بولىپ سانالادى. پارلامەنت مۇشەلەرىنىڭ شەشىمىمەن بيىلعى كەزەكتەن تىس سايلاۋدى وتكىزىپ وتىرمىز. وسى كەزەڭدە پارلامەنتتى جاڭارتۋ وتە قاجەت قادام بولىپ وتىر» ، - دەپ توقتالدى ەلباسى.
وسى ورايدا مەملەكەت باسشىسى ەلىمىزدىڭ الدىندا ەڭسەرەتىن ءتيىستى ماقساتتار بار اتاپ ءوتتى.
قازاقستانداعى سايلاۋعا الەم مەملەكەتتەرىنەن جانە ەلىمىزدەن بايقاۋشىلار سايلاۋ ۋچاسكەلەرىندە قاداعالاۋ جۇرگىزىپ جاتقانىن ەسكە سالىپ وتكەن ن. نازاربايەۆ: «دۇنيەجۇزىنىڭ الدىندا زاڭدى تۇردە ءبىز وسى سايلاۋدى وتكىزىپ، پارلامەنتتى جانە جەرگىلىكتى بيلىكتى وزگەرتۋ ءۇشىن جۇمىس ىستەپ جاتىرمىز. سايلاۋ ۋچاسكەلەرىنىڭ بارلىعىنا حالقىمىز بارىپ جاتىر. سوندىقتان وسى مۇمكىندىكتى پايدالانا وتىرىپ، حالقىما تاعى دا ريزاشىلىعىمدى بىلدىرەمىن. بىلتىر پرەزيدەنت سايلاۋى ءوتتى، ال بيىل پارلامەنت سايلاۋى ءوتىپ جاتىر. بارلىعى جاۋاپكەرشىلىكتى ءتۇسىنىپ، جاڭاشىلدىق كەرەك ەكەنىن ءبىلىپ وتىر» ، - دەدى پرەزيدەنت.
اۆتور: رۋسلان عابباسوۆ
