شاڭحايدا سايلاۋعا العاش رەت قاتىسقان ستۋدەنت ءبىرىنشى بولىپ داۋىس بەردى - فوتو
«وتانىمنان جىراقتا ءجۇرىپ داۋىس بەرۋ قۇقىعىمدى پايدالانا العانىم ءۇشىن قۋانىشتىمىن. شاڭحاي قالاسىندا 100 دەن استام شەت مەملەكەتتەردەن 50 مىڭنان استام ستۋدەنت ءبىلىم الۋدا. ولاردىڭ بارلىعى ءوز ەلىنىڭ ساياسي ومىرىنە قاتىسا المايدى. قازاقستان ازاماتتارى ءۇشىن ەلدەن تىس جەرلەردە دە جاعداي جاساعان پرەزيدەنتكە، ەلىمە العىسىم شەكسىز» ، - دەدى ول.
№244 سايلاۋ ۋچاسكەسىندە ءبىرىنشى بوپ داۋىس بەرگەن ستۋدەنت شاڭحايداعى ق ر باس كونسۋلى جوشىحان قىراۋبايەۆتىڭ اتىنان ەستەلىك سىيلىقپەن ماراپاتتالدى. ول ستۋدەنتكە وقۋدا تابىستار تىلەدى.
د. قوجاننان كەيىن ليانيۋنگان قالاسىنىڭ «قىتاي- قازاقستاندىق حالىقارالىق لوگيستيكالىق كومپانيا ا ا ق» بىرلەسكەن كاسىپورىن قىزمەتكەرلەرى داۋىس بەردى.
كومپانيا باس ديرەكتورىنىڭ ورىنباسارى قاناتبەك ءنۇرالى ليانيۋنگان قالاسىندا قازاقستاننان 5 وكىل جۇمىس ىستەيتىنىن اتاپ ءوتتى. ولار شاڭحايدا سايلاۋ وتەتىنىن ەستىپ، ەلدىڭ ماڭىزدى شاراسىنا قاتىسۋ ءۇشىن ارنايى كەلگەن.
