ۇكىمەت باسشىسى ك. ءماسىموۆ داۋىس بەرۋگە قاتىستى

استانا. قازاقپارات - بۇگىن ەلىمىزدە ءوتىپ جاتقان پارلامەنت ءماجىلىسىنىڭ دەپۋتاتتارى مەن جەرگىلىكتى ءماسليحاتتاردى سايلاۋىنا وراي ق ر پرەمەر- ءمينيسترى كارىم ءماسىموۆ داۋىس بەرۋگە قاتىستى.

ول ءوز تاڭداۋىن استانا قالاسىنداعى م. گوركي اتىنداعى مەملەكەتتىك اكادەميالىق ورىس دراما تەاترىندا ورنالاسقان №99 سايلاۋ ۋچاسكەسىندە جاسادى.

وسى ۋچاسكەدە ق ر قارجى ءمينيسترى باقىت سۇلتانوۆ تا داۋىس بەرۋگە قاتىسىپ، ءوز تاڭداۋىن جاسادى.

 ەسكە سالايىق، بۇگىن 20 - ناۋرىز كۇنى تاڭەرتەڭگى ساعات 7.00 دە ەلىمىزدە پارلامەنت ءماجىلىسىنىڭ دەپۋتاتتارىنا داۋىس بەرۋ باستالدى. سونىمەن قاتار وبلىستىق، اۋداندىق جانە قالالىق ءماسليحاتتاردىڭ دەپۋتاتتارىنا دا داۋىس بەرۋ باستالىپ وتىر. جەرگىلىكتى ۋاقىت بويىنشا تاڭعى ساعات 7.00 دەن كەشكى ساعات 20.00 گە دەيىن 9840 سايلاۋ ۋچاسكەسىندە داۋىس بەرۋ وتەدى، مۇنان بولەك شەتەلدە 65 سايلاۋ ۋچاسكەسى جۇمىس ىستەيدى.

9791165  قازاقستاندىق داۋىس بەرۋشىلەر تىزىمىنە ەنگىزىلگەن.

 پارلامەنت ماجىلىسىنە 107 دەپۋتات سايلانادى: ونىڭ 98 ءى پارتيالىق تىزىممەن، توعىزى قازاقستان حالقى اسسامبلەياسى اتىنان ماجىلىسكە وتەدى. ال جەرگىلىكتى وكىلدىك ەتەتىن بيلىك ءماسليحاتتارعا بارلىق دەڭگەيدەگى 3335 دەپۋتات سايلانادى. ولاردىڭ 550 ءماسليحات، 625 قالالىق، ال 2160 اۋداندىق ءماسليحات دەپۋتاتتارى.