قازاقستاننىڭ بارلىق ايماعىندا سايلاۋ ۋچاسكەلەرى اشىلدى
داۋىس بەرۋ جەرگىلىكتى ۋاقىت بويىنشا تاڭعى 7:00-دەن 20:00 گە دەيىن وتەدى.
2016-جىلعى 20- ناۋرىزدا پارتيالىق تىزىمدەر بويىنشا سايلاناتىن پارلامەنت ءماجىلىسىنىڭ دەپۋتاتتارىن سايلاۋدا، سونداي-اق قازاقستان رەسپۋبليكاسى ءماسليحاتتارىنىڭ دەپۋتتارىن سايلاۋدا داۋىس بەرۋ جالپى العاندا 9840 سايلاۋ ۋچاسكەسىندە وتەدى.
قازاقستاننان تىس جەرلەردەگى ەل ازاماتتارى ءۇشىن داۋىس بەرۋ ۋچاسكەلەرى قۇرىلدى. ول ءۇشىن شەت مەملەكەتتەردەگى قازاقستان رەسپۋبليكاسى وكىلدىكتەرىنىڭ جانىندا سىرتقى ىستەر مينيسترلىگىنىڭ اۋماعىنداعى سايلاۋ وكرۋگىنە قاتىستى سايلاۋ ۋچاسكەلەرىنە بارۋعا بولادى.
سايلاۋ زاڭناماسىنا سايكەس، شەت مەملەكەتتەردەگى قازاقستان رەسپۋبليكاسى وكىلدىكتەرىنىڭ جانىنداعى سايلاۋ ۋچاسكەلەرى بويىنشا سايلاۋشىلار تىزىمدەرىنە ءتيىستى شەت مەملەكەتتە تۇراتىن نەمەسە ۇزاق مەرزىمدى ءىس-ساپاردا جۇرگەن جانە رەسپۋبليكا ازاماتىنىڭ ءتولقۇجاتى بار بارلىق ازاماتتار ەنگىزىلەدى.
2016-جىلعى 4- ناۋرىزداعى جاعداي بويىنشا ءتۇرلى شەت مەملەكەتتەردەگى كونسۋلدىق ەسەپكە قازاقستان رەسپۋبليكاسىنىڭ 14 مىڭنان استام ازاماتى قويىلعان.
51 شەت مەملەكەتتەگى قازاقستان رەسپۋبليكاسى وكىلدىكتەرىنىڭ جانىندا 65 سايلاۋ ۋچاسكەسى قۇرىلدى. ناقتىراق ايتقاندا، 5 ءى ۋچاسكە ازيا ەلدەرىندە، 4 ءى وڭتۇستىك جانە سولتۇستىك امەريكادا، 1 ءى افريكادا، 20 ى ەۋروپادا، 15 ءى ت م د- دا.
شەتەلدىك ۋچاسكەلەردە قازاقستان رەسپۋبليكاسىنىڭ ازاماتتارى پارتيالىق تىزىمدەر بويىنشا سايلاناتىن پارلامەنت ءماجىلىسىنىڭ دەپۋتاتتارىن سايلاۋدا عانا داۋىس بەرە الادى.
ساياسي دوداعا بارلىعى التى پارتيا - «نۇر وتان» پارتياسى، قازاقستاننىڭ «اق جول» دەموكراتيالىق پارتياسى، «اۋىل» حالىقتىق-دەموكراتيالىق پاتريوتتىق پارتياسى، قازاقستان كوممۋنيستىك حالىق پارتياسى، جالپى ۇلتتىق سوتسيال-دەموكراتيالىق پارتياسى جانە «بىرلىك» ساياسي پارتياسى قاتىسىپ جاتىر.
پارتيالىق تىزىمدەر بويىنشا سايلاناتىن پارلامەنت ءماجىلىسىنىڭ 98 دەپۋتاتى، سونداي-اق وبلىستىق، استانا، الماتى قالالىق ءماسليحاتتارىنىڭ 550 دەپۋتاتى، قالالىق ءماسليحاتتاردىڭ 625 دەپۋتاتى جانە اۋداندىق ءماسليحاتتاردىڭ 2160 دەپۋتاتى سايلانادى.
ورتالىق سايلاۋ كوميسسياسى ق ر پارلامەنت ءماجىلىسىنىڭ دەپۋتاتتىعىنا ۇمىتكەر رەتىندە التى ساياسي پارتيانىڭ اتىنان 234 كانديداتتى تىركەدى.
ق ر- داعى سايلاۋدى 964 حالىقارالىق بايقاۋشى قاداعالايتىن بولادى. سونىمەن قاتار، ول داۋىس بەرۋ بارىسى مەن داۋىستاردى ساناۋ ءراسىمىن بايقاۋعا كانديداتتار مەن پارتيالاردىڭ سەنىم بىلدىرگەن ادامدارى، قوعامدىق بىرلەستىكتەر، ۇ ە ۇ، قازاقستان رەسپۋبليكاسى بۇقارالىق اقپارات قۇرالدارىنىڭ وكىلدەرى قاتىسا الادى.
سايلاۋدا 9791165 قازاقستاندىق داۋىس بەرەدى دەپ كۇتىلىپ وتىر.
ەسكە سالا كەتەيىك، ق ر پرەزيدەنتىنىڭ 2016-جىلعى 20- قاڭتارداعى «بەسىنشى شاقىرىلعان ق ر پارلامەنتىنىڭ ءماجىلىسىن تاراتۋ جانە ق ر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىعىمەن پارتيالىق تىزىمدەر بويىنشا سايلاناتىن ق ر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋى 2016-جىلعى 20- ناۋرىزعا، ال قازاقستان حالقى اسسامبلەياسى سايلايتىن قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋى 2016-جىلعى 21- ناۋرىزعا تاعايىندالعان بولاتىن.
قۇرمەتتى سايلاۋشىلار!
سايلاۋ كۇنى ءوزىڭىزدىڭ سايلاۋ ۋچاسكەڭىزدە جەكە كۋالىكتى نەمەسە رەسپۋبليكا ازاماتىنىڭ پاسپورتىن، ۋاقىتشا جەكە كۋالىكتى، مەرزىمدى قىزمەتتەگى اسكەري قىزمەتكەرلەر ءۇشىن اسكەري بيلەت ۇسىنعان جاعدايدا ءسىز ءۇش سايلاۋ بيۋللەتەنىن الاسىز.
داۋىس بەرۋگە ارنالعان ءبىر بيۋللەتەن - ءماجىلىستىڭ پارتيالىق تىزىمدەر بويىنشا سايلاناتىن دەپۋتتاتارىن سايلاۋ جونىندە.
ەكىنشى بيۋللەتەن - وبلىس ءماسليحاتى دەپۋتاتتارىن سايلاۋ بويىنشا داۋىس بەرۋ ءۇشىن.
ءۇشىنشى بيۋللەتەن - قالالىق نەمەسە اۋداندىق ءماسليحاتتىڭ دەپۋتاتتارىن سايلاۋ بويىنشا داۋىس بەرۋ.
استانا جانە الماتى قالالارىنىڭ سايلاۋشىلارى ەكى بيۋللەتەننەن الادى - ءماجىلىس جانە قالالىق ءماسليحات دەپۋتاتتارىن سايلاۋ بويىنشا.
ءاربىر سايلاۋشى جەكە ءوزى داۋىس بەرەدى.
