قىتاي ساراپشىلارى قازاقستانداعى سايلاۋ ناۋقانىن ءجىتى نازاردا ۇستاۋدا

استانا. قازاقپارات - قىتاي حالىق رەسپۋبليكاسى قازاقستانداعى سايلاۋ پروتسەسىن ءجىتى باقىلاپ وتىر.

بۇگىن ق ر ورتالىق سايلاۋ كوميسسياسى ءتورعاسىنىڭ ورىنباسارى ۆلاديمير فووسپەن كەزدەسكەننەن كەيىن ب ا ق وكىلدەرىنە سۇحبات بەرگەن قىتايدىڭ قازاقستانداعى ەكس-دەپۋتاتى ياو پەيشەن وسىلاي دەدى.

«قازاقستانداعى پارلامەنتتىك سايلاۋ - وتە ماڭىزى شارا. سوندىقتان قىتاي ونى ءجىتى باقىلاپ وتىر. قىتايداعى الەۋمەتتىك-ەكونوميكالىق دامۋ ماسەلەلەرىن ءجىتى قاداعالاپ وتىراتىن عالىمدار مەن ساراپشىلاردىڭ بارلىعى دا قازىرگى ۋاقىتتا قازاقستانداعى سايلاۋ پروتسەسىن نازاردا ۇستاۋدا»، - دەدى ول.

سونىمەن قاتار ول ق ر ورتالىق سايلاۋ كوميسسياسى شەتەلدىك بايقاۋشىلارعا وتە ىڭعايلى جۇمىس كەستەسىن قۇرىپ، جۇمىس ىستەۋگە بارلىق جاعداي جاساپ وتىرعانىن باسا ايتتى.

«ءبىز سايلاۋدان كەيىن ءوز پىكىرىمىزبەن بولىسەتىن بولامىز»، - دەپ قوستى ياو پەيشەن.

اۆتور: مارلان جيەمباي