قازاقستاندا سايلاۋ الدىنداعى «تىنىشتىق كۇنى» باستالدى
بۇل كۇندە سايلاۋالدى ناسيحاتقا تىيىم سالىنادى.
«سايلاۋ تۋرالى» زاڭ بويىنشا سايلاۋ كۇنى جانە داۋىس بەرۋ الدىنداعى كۇنى قانداي دا ءبىر ۇگىت-ناسيحات جۇمىستارىن جۇرگىزۋگە بولمايدى.
ەسكە سالا كەتەيىك، 20- ناۋرىزدا ق ر پارلامەنت ءماجىلىسىنىڭ جانە جەرگىلىكتى ءماسليحات دەپۋتاتتارىنىڭ سايلاۋى وتەدى. سايلاۋ ساعات 7.00 دە باستالىپ، 20.00 دە اياقتالادى. ال 21- ناۋرىز كۇنى ق ح ا اتىنان ۇسىنىلاتىن دەپۋتاتتاردىڭ سايلاۋى وتەدى.
ورتالىق سايلاۋ كوميسسياسى ق ر پارلامەنت ءماجىلىسىنىڭ دەپۋتاتتىعىنا ۇمىتكەر رەتىندە التى ساياسي پارتيانىڭ اتىنان 234 كانديداتتى تىركەدى.
ق ر- داعى سايلاۋدى 964 حالىقارالىق بايقاۋشى قاداعالايتىن بولادى. سونىمەن قاتار ول داۋىس بەرۋ بارىسى مەن داۋىستاردى ساناۋ ءراسىمىن بايقاۋعا كانديداتتار مەن پارتيالاردىڭ سەنىم بىلدىرگەن ادامدارى، قوعامدىق بىرلەستىكتەر، ۇ ە ۇ، قازاقستان رەسپۋبليكاسى بۇقارالىق اقپارات قۇرالدارىنىڭ وكىلدەرى قاتىسا الادى.
سايلاۋدا 9791165 قازاقستاندىق داۋىس بەرەدى دەپ كۇتىلىپ وتىر.
