08:48, 19 - ناۋرىز 2016 | GMT +5
سوندەرس گولوۆكينمەن ۋەمبليدە سايىسقا تۇسكىسى كەلەدى
استانا. قازاقپارات - WBO نۇسقاسى بويىنشا الەم چەمپيونى 26 جاستاعى ورتا سالماقتاعى بريتاندىق بيللي دجو سوندەرس ءوز اتاعىن العاش رەت قورعاۋ ءۇشىن لوندوندا (انگليا، ۇلى بريتانيا) ۇرىسىن وتكىزەدى.
ونىڭ قارسىلاسى 31 جاستاعى ۋكرايندىق ماكسيم بۋرساك. سوندەرستىڭ ايتۋىنشا، بۇدان كەيىن ول ورتا سالماقتاعى ۇزدىك قازاقستاندىق گەننادي گولوۆكينمەن كەزدەسكىسى كەلەدى.
«مەن الەم چەمپيونى بولدىم، مەنىڭ وزىمە سەنىمىم ارتتى. جەڭىلمەيتىن جاۋىنگەرلەر جوق، ونى مىسالعا تايسون فيۋري دالەلدەدى. ەگەر مەن گەننادي گولوۆكينمەن ۋەمبليدە سايىسقا تۇسسەم، ۇزدىكتەردى دە جەڭە الاتىنىمدى الەمگە كورسەتەر ەدىم»، - دەگەن سوندەرستىڭ ءسوزىن كەلتىرەدى allboxing.ru.
