ەلباسى ەڭبەك ۇجىمدارىنىڭ رەسپۋبليكالىق فورۋمىنا قاتىستى

پاۆلودار. قازاقپارات - ق ر پرەزيدەنتى نۇرسۇلتان نازاربايەۆ «استانا» مۇز سارايىندا وتكەن ەڭبەك ۇجىمدارىنىڭ رەسپۋبليكالىق فورۋمىنا قاتىستى.

وعان ەلىمىزدەگى 50 ەڭبەك ۇجىمىنان 4 مىڭنان اسا ادام كەلدى.

سونىمەن قاتار، مەملەكەت باسشىسى تاۋارلار مەن قىزمەتتەردىڭ اۋقىمدى تۇرلەرىن ۇسىنا وتىرىپ كلاسسيكالىق ەۋروپالىق گيپەرماركەت ۇلگىسىندە جۇمىس ىستەيتىن «Greenwich» گيپەرماركەتىندە بولدى.

ق ر پرەزيدەنتى ءوڭىردىڭ ازىق-تۇلىك وندىرۋشىلەرىمەن اڭگىمەلەستى.

وبلىستىق اكىمدىكتىڭ اقپاراتى بويىنشا، وڭىردە اۋىل شارۋاشىلىعى ونىمدەرىن وڭدەيتىن 367 كاسىپورىن جۇمىس ىستەيدى (سونىڭ ىشىندە ءسۇتتى وڭدەۋ بويىنشا - 23، جارتىلاي فابريكاتتار مەن شۇجىق ونىمدەرىن ءوندىرۋ بويىنشا - 51). 2015 -جىلى وڭدەلگەن اۋىل شارۋاشىلىعى ءوندىرىسىنىڭ يندەكسى %109,9 بولدى.

«Greenwich» گيپەرماركەتى وبلىستاعى 45 ونەركاسىپتىڭ، 137 قازاقستاندىق وندىرۋشىلەردىڭ ونىمدەرىن ساۋدالايدى. گيپەرماركەتتەگى وتاندىق ونىمدەردىڭ ۇلەسى بارلىق تاۋار اسسورتيمەنتىنىڭ 60 پايىزىن قۇرايدى.