مەكتەپ ءبىتىرۋشى تۇلەكتەرگە ۇ ب ت- نى ەكىنشى رەت تاپسىرۋعا مۇمكىندىك بەرىلەدى
بۇل تۋرالى ق ر ءبىلىم جانە عىلىم ءمينيسترى ەرلان ساعاديەۆ ءمالىم ەتتى.
«سەنات دەپۋتاتتارىنىڭ باستاماسى بويىنشا بيىلعى جىلدان باستاپ مەكتەپ ءبىتىرۋشى تۇلەكتەرگە ۇلتتىق ءبىرىڭعاي تەستىلەۋدى ەكىنشى رەت تاپسىرۋ مۇمكىندىگى بەرىلەدى. سەناتتىڭ بۇل باستاماسىنا ۇكىمەت تە، ءبىلىم جانە عىلىم مينيسترلىگى دە، جالپى قوعام دا قولداۋ بىلدىرگەن بولاتىن»، - دەدى ەرلان ساعاديەۆ.
مينيسترلىك ۇسىنعان مالىمەتتەرگە قاراعاندا، قازاقستاندا جىل سايىن ۇ ب ت تاپسىرمايتىن مەكتەپ بىتىرۋشىلەر سانى ارتىپ وتىر. 2015 -جىلى بۇل كورسەتكىش شامامەن 46 مىڭ ادامعا جۋىقتاعان.
«بۇل - وتە ۇلكەن كورسەتكىش. جوعارى بىلىمنەن 100 مىڭعا تارتا كەشكى وقىلىمداعى وقۋشىلار قالىپ وتىر، ولاردىڭ 25 مىڭى ج و و- لارعا دا، كوللەدجدەرگە دە تۇسپەيدى. بۇل - الاڭداتارلىق جاعداي»، - دەدى مينيستر.
سونىمەن ءبىر مەزگىلدە رەسەي مەن قىتايعا وقۋعا باراتىن ستۋدەنتتەر قاتارى دا جىل ساناپ ارتىپ وتىر. ماسەلەن، 2015 - جىلى رەسەيگە وقۋعا 39 مىڭعا تارتا قازاقستاندىق بارعان.
«مەكتەپ بىتىرۋشىلەر ۇ ب ت ءبىر نەمەسە بىرنەشە بالل الا الماي قالىپ، شەتەلدىك وقۋ ورىندارىنا اقىلى نەگىزگە كەتىپ جاتىر. وسىلايشا ولار باسقا ەلدەردىڭ ءبىلىم مەكەمەلەرىنە ينۆەستيتسيا قۇيۋدا»، - دەدى ە. ساعاديەۆ.
جالپى ۆەدومستۆو باسشىسىنىڭ ايتۋىنشا، ۇ ب ت تاپسىرۋ تەتىگىندە وزگەرىستەر كۇتىلمەيدى. «ۇ ب ت قايتا تاپسىرۋ اقىلى نەگىزدە شەكتى مەجەدەن اسا الماعاندار ءۇشىن بەرىلەدى. وسىلايشا ولار ءۇشىن دە اقىلى نەگىزدە وقۋعا مۇمكىندىك بەرىلەدى. بۇل ماسەلە بويىنشا بىزدە ەلباسىنىڭ تىكەلەي تاپسىرماسى بار، سوعان سايكەس بيىل تۇلەكتەرگە ءوزىمىزدىڭ وقۋ ورىندارىنا تۇسۋگە جاعداي ۇسىنامىز. ارينە، ولار بىتىرگەننەن سوڭ ءبارى بىردەي جۇمىسقا تۇرىپ كەتپەۋى مۇمكىن، الايدا تۇتاستاي العاندا ءبىز جوعارى ءبىلىمدى قوعام بولۋعا ۇمتىلۋعا ءتيىسپىز. سوڭعى قىرىق جىلدا دۇنيە جۇزىندە ستۋدەنتتەر سانى التى ەسەگە ارتقان. ال الەمدە جىل سايىن 150 ميلليون ادام جوعارى وقۋ ورىندارىنا تۇسەدى»، - دەدى ە. ساعاديەۆ.
اۆتور: قانات مامەتقازى ۇلى
