قازاقستاندا لوتەرەيالىق نارىق تيىمدىلىگى وتە تومەن
بۇل تۋرالى بۇگىن ق ر پارلامەنتى سەناتىنىڭ جالپى وتىرىسىندا «لوتەرەيالار (سيلىقتى ويىن- ۇتىس بەلەتى)جانە لوتەرەيا قىزمەتى تۋرالى» ق ر زاڭى قابىلداۋ بارىسىندا ءمالىم بولدى.
«بۇكىل الەمدە لوتەرەيا قۇمارلىق ەلەمەنتى بار ەڭ العاشقى جانە نەعۇرلىم كەڭ تارالعان ويىن ءتۇرى. قازىرگى تاڭدا لوتەرەيا ءوز يدەولوگياسى بويىنشا قۇمار ويىندار تۇرىنەن بارىنشا الشاقتانىپ كەلە جاتقان دەربەس سالا. لوتەرەيانىڭ مەملەكەتپەن تىعىز بايلانىسىنىڭ ارقاسىندا، سونىمەن بىرگە قۇمارلىعى مەن الەۋمەتتىلىك باعىتتىلىعى بويىنشا دۇنيەجۇزىنە كەڭ تارالۋدى. الايدا، قازاقستاندا لوتەرەيالىق نارىق تيىمدىلىگى وتە تومەن بولىپ وتىر. ونىڭ الەۋەتى دە دامۋعا سايكەس ەمەس. بۇعان جەكە زاڭنىڭ بولماۋى دا اسەر ەتۋدە»، - دەدى مادەنيەت جانە سپورت ءمينيسترى ارىستانبەك مۇحامەدي ۇلى.
ونىڭ ايتۋىنشا، زاڭ جوباسىنىڭ اياسىندا لەزدىك جانە تيراجدىق لوتەرەيالاردى وتكىزۋدىڭ قۇقىقتىق نەگىزى قالانادى. لوتەرەيانى ۇيىمداستىرۋ مەن وتكىزۋ ۇكىمەت ايقىندايتىن ۇلتتىق وپەراتورعا جۇكتەلەتىن بولادى. سونىمەن قاتار، لوتەرەيا وپەراتورى بولىپ تابىلمايتىن وزگە تۇلعالاردىڭ لوتەرەيا وتكىزۋىنە تىيىم سالىنادى. « لوتەرەيا قاتىسۋشىلاردىڭ ۇتىس مۇمكىندىگىنىڭ تەڭدىگى، ۇتىس ويىن ناتيجەلەرىن مىندەتتى تۇردە باسپا ءسوز بەتتەرىنە شىعارۋ كوزدەلەدى. لوتەرەيانىڭ جۇلدە قورىنىڭ مولشەرىن ەلۋ پايىزعا قالىپتاستىرۋ تارتىبىنە تالاپتار بەكىتىلەدى»، - دەدى مينيستر.
بۇدان بولەك، لوتەرەيا وپەراتورىنىڭ لوتەرەيا بيلەتتەرىن وتكىزۋدەن تۇسكەن ءتۇسىم مەن جۇلدە قورى اراسىنداعى ايىرمانىڭ ون پايىزى مولشەرىندەگى اۋدارىمداردى تولەۋ شاراسى دا قاراستىرىلادى.
«لوتەرەيادان تۇسكەن پايدا بويىنشا ايىرمادان ون پايىزعا اۋدارىم جاساۋ ارقىلى الىنعان قاراجات سپورتتى دامىتۋعا جولداناتىن بولادى»، - دەدى ا. مۇحامەدي ۇلى.
اۆتور: قانات مامەتقازى ۇلى
