ءمادينا بالعابايەۆا: ايەلدىڭ باقىتتى بولۋى قاسىنداعى جارىنان ەمەس
تەلەجۇرگىزۋشى ايەل باقىتى جايلى سۇراققا ءبىرجاقتى جاۋاپ بەرە المايتىنىن ايتتى.
«بۇرىن، مەن تۇرمىستا بولماعان كەزدە، وسى سۇراققا بىلاي جاۋاپ بەرەر ەدىم: ايەل باقىتى ول قاسىڭدا سۇيىكتى جارىڭنىڭ بولۋى، وزىڭە قيىن جاعدايدا يىق تىرەيتىن ەر ادامنىڭ بولۋىندا. سول ايەل باقىتى دەپ ويلايتىنمىن. قازىر ويىم باسقاشا»، - دەيدى ءمادينا بالعابايەۆا.
جان جارى جوق بولسا دا، قاسىندا ءوسىپ كەلە جاتقان بالاسى بار ەكەنىن مەڭزەگەن تەلەجۇرگىزۋشى ءوزىن باقىتتى سەزىنەدى. ونىڭ پىكىرىنشە، ءار ادامنىڭ ءوز تاعدىرى بار. جەكە ومىردە دە سولاي. ماڭدايىنا نە جازىلدى، سول بولادى.
«تۇرمىستا بولىپ، وزدەرىن باقىتسىز سەزىنىپ جۇرگەن قانشاما ايەلدەر بار. سوندىقتان ايەل باقىتى قاسىندا جارىڭنىڭ بولۋىندا دەپ ايتا المايمىن»، - دەيدى بالعابايەۆا.
سونداي-اق، جۋرناليست سوڭعى كەزدەرى تەليەۆيزيادا كوپتەگەن جاس تەلەجۇرگىزۋشىلەردىڭ جاساندىلىققا كوپ كوڭىل بولە باستاعانىن بايقاعان.
مەندە ەشقانداي جاساندى شاش، كىرپىك، تىرناق جوق. ەرىندى دە مەن ۇلكەيتىپ كورگەن ەمەسپىن
«ءسىز ءوزىڭىز بايقاپ وتىرعانداي، مەندە ەشقانداي جاساندى شاش، كىرپىك، تىرناق جوق. ەرىندى دە مەن ۇلكەيتىپ كورگەن ەمەسپىن. مەندە جاساندى ەشتەڭە جوق. مەن بۇل ايەلدەرگە ارنالعان زاتتارعا قۇمار ەمەسپىن. جاساندى قاس وتە كەرەمەت سالىنسا دا، جاساندى ەكەنى كورىنىپ تۇرادى. وندا ونى جاساتۋدىڭ نە قاجەتى بار؟ شاشىم قىسقا بولسا دا، جاساندى جاساعاننان گورى، جاقسى كۇتىلگەن، جىلتىر بولعانىن قالايمىن»، - دەيدى تەلەجۇرگىزۋشى.
ءمادينانىڭ ويىنشا، جاساندىلىق ەركەكتەرگە دە ۇنامايدى. ەڭ باستىسى ءوزىن ءارقاشاندا كۇتۋ كەرەك. سول كەزدە عانا ايەل كۇندەلىكتى سۇلۋ بولادى.
